Lakshadweep flights: Paytm લાવ્યું એક અદ્ભુત ઓફર, લક્ષદ્વીપની ફ્લાઇટ બુક કરવા પર ભારે ડિસ્કાઉન્ટ

Lakshadweep flights: PM નરેન્દ્ર મોદી જ્યારથી લક્ષદ્વીપની મુલાકાત લઈને પરત ફર્યા છે ત્યારથી આ જગ્યા ખુબ જ ચર્ચામાં છે. પોતાની સુંદરતા માટે દેશ અને દુનિયામાં પોપ્યુલર, લક્ષદ્વીપ હવે લોકોની ટ્રાવેલ વિશલિસ્ટનો એક ભાગ બની ગયું છે. કેટલાક લોકોએ ત્યાં જવા માટે ટિકિટ બુક કરાવવાનું શરૂ કરી દીધું છે. આવી સ્થિતિમાં, જો તમે પણ લક્ષદ્વીપ જવા માટે ટિકિટ બુક કરાવી રહ્યા છો, તો ચોક્કસપણે Paytmની આ ઓફર વિશે જાણો.

Paytm લક્ષદ્વીપની ટિકિટ પર આપી રહ્યું છે ભારે ડિસ્કાઉન્ટ

Paytmએ પ્રોમો કોડ 'FLYLAKSHA'નો ઉપયોગ કરીને લક્ષદ્વીપની ફ્લાઇટ ટિકિટ પર 10% છૂટની જાહેરાત કરી છે. Paytm પર લક્ષદ્વીપની મુસાફરીની શોધમાં 50 ગણી વૃદ્ધિ બાદ આ ઑફર આવી છે. ડિસ્કાઉન્ટનો હેતુ લક્ષદ્વીપની મુસાફરીને વધુ સસ્તું બનાવવાનો છે.

આ લાભ મેળવવા માટે, તમારી ટિકિટ બુકિંગ રકમ ઓછામાં ઓછી 3,000 રૂપિયા હોવી જોઈએ. આ ઓફર એક મહિના માટે છે. એક વાત ધ્યાનમાં રાખવા જેવી છે કે એકવાર ફ્લાઇટ બુક થઈ જાય અને પછી તે કેન્સલ થઈ જાય, તો તમે આ ઑફરનો લાભ લેવા માટે પાત્ર નહીં રહેશો.