Ayodhya Ram Mandir: ‘આસ્થા બતાવો, એગ્રેશન નહીં...', PM મોદીએ અયોધ્યામાં પ્રાણ પ્રતિષ્ઠાને લઈ મંત્રીઓને આપી સલાહ

Ayodhya Ram Mandir: વડાપ્રધાન નરેન્દ્ર મોદીએ મંત્રીઓને ઘણા કડક સૂચનો આપ્યા હતા. પીએમ મોદીએ ખાસ કરીને અયોધ્યામાં બની રહેલા રામ મંદિરના અભિષેક કાર્યક્રમને લઈને મંત્રીઓને એલર્ટ કર્યા હતા. બેઠકમાં પીએમ મોદીએ સ્પષ્ટ કહ્યું કે ‘આસ્થા બતાવો, એગ્રેશન નહીં...'.

સૂત્રોના જણાવ્યા અનુસાર પીએમ મોદીએ પોતાના મંત્રીઓને કોઈપણ પ્રકારની બયાનબાજીથી બચવાની સલાહ પણ આપી હતી. તેમણે કહ્યું કે મંત્રીઓએ સરકારની ગરિમાનું ધ્યાન રાખવું જોઈએ. આ દરમિયાન પીએમએ મંત્રીઓને પોતપોતાના વિસ્તારોમાં પ્રાણ પ્રતિષ્ઠા દરમિયાન કોઈપણ પ્રકારની ખલેલ ન પહોંચે તેનું ધ્યાન રાખવા જણાવ્યું હતું.

વડાપ્રધાને કહ્યું કે પોતપોતાના વિસ્તારના લોકોને 22 જાન્યુઆરી પછી જ રામ લલ્લાના દર્શન કરવા લઈ જવા જોઈએ. વાસ્તવમાં, રામ મંદિરનો અભિષેક 22 જાન્યુઆરીએ છે, જેમાં દેશના પસંદગીના લોકોને આમંત્રણ આપવામાં આવ્યું છે. આ પછી પણ મોટી સંખ્યામાં લોકો અયોધ્યા પહોંચે તેવી સંભાવના છે, જેને જોતા પીએમ મોદીએ પોતાના મંત્રીઓને આ પ્રકારના નિર્દેશ આપ્યા છે.

પ્રાણ પ્રતિષ્ઠા કાર્યક્રમમાં કોને આમંત્રણ આપવામાં આવ્યું?