Parliament Attack 2023: 4 કલાકમાં 4 મોટી કાર્યવાહી... સંસદની સુરક્ષા લેપ્સ કેસમાં સરકારે અત્યાર સુધી શું-શું કર્યું?

Parliament Attack 2023: બુધવારે સંસદ પર 2001ના આતંકવાદી હુમલાની વરસી છે ત્યારે સંસદની સુરક્ષામાં ક્ષતિના મામલે સરકારની સતત કાર્યવાહી ચાલુ છે. આરોપીઓની ઝડપથી ધરપકડ કરવામાં આવી રહી છે એટલું જ નહીં, ગૃહ મંત્રાલયે ઉચ્ચ સ્તરીય તપાસના આદેશ પણ આપ્યા છે. સંસદ ભવનની સુરક્ષા ક્ષતિના મામલામાં 24 કલાકથી ઓછા સમયમાં સરકાર દ્વારા અત્યાર સુધીમાં ચાર મોટી કાર્યવાહી કરવામાં આવી છે. વાસ્તવમાં, બુધવારે સંસદ પર 2001ના આતંકવાદી હુમલાની વરસી પર, સુરક્ષા ભંગની એક મોટી ઘટના ત્યારે સામે આવી જ્યારે લોકસભાની કાર્યવાહી દરમિયાન, પ્રેક્ષક ગેલેરીમાંથી બે લોકો ગૃહની અંદર કૂદી પડ્યા અને યલો કલર ગૃહમાં છોડ્યો. તેઓ 'કેન'નો ઉપયોગ કરી રહ્યાં હતા. ઘટના બાદ તરત જ બંને ઝડપાઈ ગયા હતા. તો ચાલો જાણીએ કે સરકારે આ મામલે અત્યાર સુધી શું કર્યું છે.

1. આઠ સુરક્ષા કર્મચારીઓને સસ્પેન્ડ: સંસદની સુરક્ષામાં ક્ષતિના સંબંધમાં લોકસભા સચિવાલયે આઠ કર્મચારીઓને સસ્પેન્ડ કર્યા. સસ્પેન્ડ કરાયેલા લોકોની ઓળખ રામપાલ, અરવિંદ, વીર દાસ, ગણેશ, અનિલ, પ્રદીપ, વિમિત અને નરેન્દ્ર તરીકે કરવામાં આવી છે.

2. તપાસ માટે ઉચ્ચ-સ્તરીય સમિતિની રચનાઃ ગૃહ મંત્રાલયે સંસદ ભવનની સુરક્ષા ક્ષતિના કેસની તપાસ કરવા માટે એક ઉચ્ચ-સ્તરીય સમિતિની રચના કરી છે, જેનું નેતૃત્વ CRPFના DG કરશે.

3. UAPA હેઠળ નોંધાયેલ કેસ: દિલ્હી પોલીસે સંસદની સુરક્ષા ક્ષતિની ઘટનાના સંબંધમાં ગેરકાનૂની પ્રવૃત્તિઓ (પ્રિવેન્શન) એક્ટ (UAPA) હેઠળ કેસ નોંધ્યો છે. અધિકારીઓએ જણાવ્યું કે આ ઘટનાના સંબંધમાં UAPA અને ભારતીય દંડ સંહિતા (IPC) ની સંબંધિત કલમો હેઠળ કેસ નોંધવામાં આવ્યો છે.