Corona Cases in India: ફરથી ડરાવી રહ્યો છે કોરોના વાયરસ, દેશમાં 602 નવા કેસ, પાંચ લોકોના મોત, જાણો ગુજરાતની સ્થિતિ

તમને જણાવી દઈએ કે એક દિવસ પહેલા એટલે કે 2 જાન્યુઆરીએ 573 નવા કેસ સામે આવ્યા હતા, જ્યારે બે લોકોના મોત થયા હતા. આ પહેલા 1 જાન્યુઆરીએ દેશમાં 636 નવા કેસ નોંધાયા હતા અને કોરોનાને કારણે ત્રણ લોકોના મોત થયા હતા.

કર્ણાટકમાં કોરોનાને કારણે એકનું મોત થયું

તે જ સમયે, કર્ણાટકમાં પણ કોરોના ઝડપથી ફેલાઈ રહ્યો છે. આરોગ્ય અને પરિવાર કલ્યાણ વિભાગે જણાવ્યું કે કર્ણાટકમાં છેલ્લા 24 કલાકમાં કોરોનાને કારણે એક દર્દીનું મોત થયું છે. જ્યારે 24 કલાકમાં કુલ 148 પોઝિટિવ કેસ નોંધાયા છે. મૃતકની ઓળખ વિજયનગરના 45 વર્ષીય પુરુષ તરીકે થઈ છે.

રાજ્યમાં 1144 સક્રિય દર્દીઓ સારવાર હેઠળ

આરોગ્ય અને પરિવાર કલ્યાણ વિભાગે જણાવ્યું કે છેલ્લા 24 કલાકમાં કુલ 7305 ટેસ્ટ કરવામાં આવ્યા છે. કર્ણાટકમાં મંગળવાર સુધીમાં કુલ 1144 સક્રિય કેસ નોંધાયા છે. 2 જાન્યુઆરી સુધીમાં, બેંગલુરુ ગ્રામીણમાં સક્રિય કેસની કુલ સંખ્યા 28 નોંધાઈ હતી, જ્યારે બેંગલુરુ શહેરી વિસ્તારમાં આ સંખ્યા 545 હતી.

ગુજરાતમાં પણ એક્ટિવ કેસ

આપને જણાવી દઇએ કે ગુજરાતમાં પણ કોરોનાના નવા વેરિએન્ટના 34 કેસ નોંધાયા છે, જો કે આરોગ્ય વિભાગે જાહેર કર્યું છે કે પરિસ્થિતિને પહોંચી વળવા તંત્ર સજાગ છે. સાથે લોકોને સાવચેતી રાખવા માટે પણ અપિલ કરી છે.

આ પણ વાંચો - ISIS Module Case: ‘આતંકવાદીઓએ નિર્દોષ મુસ્લિમ યુવાનોની ભરતી કરવાની બનાવી હતી યોજના', NIAનો ચાર્જશીટમાં દાવો