China Philippines Face Off: સાઉથ ચાઈના સીમાં ડ્રેગનની દાદાગીરી, ફિલિપાઈન્સના જહાજોને મારી ટક્કર... વોટર કેનનથી કર્યો હુમલો

આ વિસ્તારમાં 135થી વધુ ચીની લશ્કરી બોટ જોવા મળી

થોડા દિવસો પહેલા દક્ષિણ ચીન સાગરમાં ચીનની 135થી વધુ સૈન્ય બોટ જોવા મળી હતી. ફિલિપાઈન્સે આ અંગે ચિંતા વ્યક્ત કરતા કહ્યું હતું કે આટલી બધી સૈન્ય બોટને કારણે દક્ષિણ ચીન સાગરમાં ખતરનાક સ્થિતિ સર્જાઈ છે. નવેમ્બર મહિનામાં આ વિસ્તારમાં મેરીટાઇમ મિલિશિયાના 111 જહાજો જોવા મળ્યા હતા. મેરીટાઇમ મિલિશિયાને ફિશિંગ મિલિશિયા પણ કહેવામાં આવે છે. ચીન તેનો ઉપયોગ દરિયાઈ દેખરેખ માટે કરે છે. ફિલિપાઈન્સે પણ ચીનની સૈન્ય બોટ પર તેના સ્પેશિયલ ઈકોનોમિક ઝોનમાં પ્રવેશ કરવાનો આરોપ લગાવ્યો હતો.

દક્ષિણ ચીન સાગરને લઈને શું છે વિવાદ?

દક્ષિણ ચીન સમુદ્ર એ વિશ્વના સૌથી વ્યસ્ત જળમાર્ગોમાંથી એક છે. તે સમુદ્ર માર્ગ દ્વારા વેપાર અને પરિવહન માટે એક મહત્વપૂર્ણ પ્રવેશદ્વાર છે. દક્ષિણ ચીન સાગર પરના દાવાને લઈને ચીન, વિયેતનામ, ઈન્ડોનેશિયા, મલેશિયા, બ્રુનેઈ દારુસલામ, ફિલિપાઈન્સ, તાઈવાન, સ્કારબોરો રીફ જેવા વિવિધ દેશો વચ્ચે વિવાદ ચાલી રહ્યો છે. આ દેશો આ ક્ષેત્રમાં પોતાનું વર્ચસ્વ સ્થાપિત કરવા માંગે છે. વિવાદનું મૂળ દક્ષિણ ચીન સમુદ્રમાં સ્થિત સ્પ્રેટલી અને પેરાસલ ટાપુઓ છે, કારણ કે આ બંને ટાપુઓ ક્રૂડ ઓઈલ અને કુદરતી ગેસના ભંડારથી સમૃદ્ધ છે.

ચીનનો 90% હિસ્સાનો દાવો

એક અહેવાલ અનુસાર, દક્ષિણ ચીન સાગર ક્ષેત્રમાં લગભગ 11 અબજ બેરલ કુદરતી ગેસ અને તેલ અને પરવાળાના વિશાળ ભંડાર છે. ચીન તેના 90 ટકા પર પોતાનો દાવો કરે છે. 2016માં એક આંતરરાષ્ટ્રીય ટ્રિબ્યુનલે ચીનના દાવાને ગેરકાયદેસર જાહેર કર્યો હતો. આંતરરાષ્ટ્રીય ટ્રિબ્યુનલ્સ એ એક પ્રકારની વિશેષ અદાલતો છે જે આંતરરાષ્ટ્રીય ફોજદારી કાયદાના અધિકારક્ષેત્ર હેઠળ આવતા કેસોની સુનાવણી કરે છે. ચીને ઈન્ટરનેશનલ ટ્રિબ્યુનલના નિર્ણયને સ્વીકારવાનો ઈન્કાર કરી દીધો હતો.

આ પણ વાંચો - 'ઇન્ફિનિટી ફોરમ 2.0' કોન્ફરન્સમાં પીએમ મોદીએ લીધો ભાગ, કહ્યું - આજે ભારત પર ટકી છે દુનિયાની આશાઓ