Budget 2023:જો તમે 31 માર્ચ પહેલા EV ખરીદો છો, તો તમને 1,50,000 રૂપિયાનો મળશે લાભ, જાણો કેવી રીતે

Budget 2023: જો તમે ઇલેક્ટ્રિક વાહન ખરીદવાનું વિચારી રહ્યા છો, તો આ કામ 31 માર્ચ 2023 સુધીમાં કરી લો. નહિંતર, તમે રૂ. 1,50,000 નો કર લાભ ગુમાવી શકો છો. આવકવેરા કાયદાની કલમ 80EEB હેઠળ, આ લાભ 31 માર્ચ 2023 સુધી EV ખરીદવા પર ઉપલબ્ધ રહેશે. જો કે સરકાર બજેટમાં આને લગતી કોઈ જાહેરાત કરે છે તો તે અલગ વાત છે. સરકાર 1 ફેબ્રુઆરી 2023ના રોજ સામાન્ય બજેટ રજૂ કરવા જઈ રહી છે. જો કે, ઇલેક્ટ્રિક વાહનો કર લાભો સાથે પર્યાવરણ માટે સલામત અને ગ્રીન વિકલ્પ છે.

ટેક્સ બેનિફિટ માટે આ શરતો પૂરી કરવી પડશે
- ઇલેક્ટ્રિક વાહન ખરીદવા માટે લોન બેંક અથવા NBFC પાસેથી લેવી જોઈએ.

- લોન 1 એપ્રિલ, 2019 અને માર્ચ 31, 2023 વચ્ચે મંજૂર થયેલ હોવી જોઈએ.

-આ કપાત ફક્ત વ્યક્તિગત કરદાતાઓ માટે જ ઉપલબ્ધ છે.

- રૂ. 1.5 લાખ સુધીની કપાત ફક્ત આવી લોન પર ચૂકવવામાં આવેલા વ્યાજ પર જ ઉપલબ્ધ છે અને મૂળ રકમ પર નહીં.

EV ખરીદવાના છે આ ફાયદા
-ઈલેક્ટ્રિક વાહનો પર જીએસટીના સૌથી નીચા સ્લેબમાં 5 ટકાના દરે ટેક્સ લાગે છે.

નવા ઇલેક્ટ્રિક વાહનોને રોડ ટેક્સ અને રજિસ્ટ્રેશન ખર્ચમાંથી મુક્તિ આપવામાં આવી છે