Budget 2024: વચગાળાના બજેટમાં FAME II ની ફાળવણીમાં 44% ની કપાતે ટૂ-વ્હીલર કંપનીઓને આપ્યો ઝટકો

Budget 2024: સરકારે નાણાકીય વર્ષ 2025 માટે ફાસ્ટર એડોપ્શન એન્ડ મેન્યુફેક્ચરિંગ ઓફ (હાઈબ્રિડ અને) ઈલેક્ટ્રિક વ્હીકલ (FAME) સ્કીમ માટે અંદાજે 44 ટકા ઘટાડીને 2,671 કરોડ રૂપિયા. કરી દીધી છે. આ પછી આજે ટુ-વ્હીલર ઓટોમોબાઈલ શેરોની હલચલ મિશ્ર રહી હતી. મોટાભાગના ટુ-વ્હીલરના શેરમાં આજે ઘટાડો જોવા મળ્યો છે. દેશમાં EVનો ઉપયોગ વધારવાના પ્રયાસો પર આ કાપની નકારાત્મક અસર પડી શકે છે.

બજેટ પહેલા બજાજ ઓટોના શેરમાં 2 ટકાથી વધુનો વધારો જોવા મળી રહ્યો હતો. પરંતુ આ પછી આ ગતિ ગાયબ થઈ ગઈ, હાલમાં તે 0.1 ટકાના મામૂલી વધારા સાથે 7,67 રૂપિયાની આસપાસ ટ્રેડ થઈ રહી છે. તે જ સમયે, હીરો મોટોકોર્પનો શેર લગભગ 0.50 ટકા ઘટીને 4,605 રૂપિયા ​​પર જોવા મળ્યો હતો. જ્યારે ટીવીએસ મોટર કંપની 0.2 ટકાની નબળાઈ સાથે 1,997 રૂપિયા પર ટ્રેડ કરી રહી હતી. આઈશર મોટર્સ એકમાત્ર એવો સ્ટોક છે જે જાન્યુઆરીમાં ઉત્કૃષ્ટ વેચાણના આધારે મજબૂતી બતાવી રહ્યો હોવાનું જણાય છે.

1 ફેબ્રુઆરીના રોજ પ્રકાશિત થયેલ સરકારના બજેટ ફાળવણી દસ્તાવેજ દર્શાવે છે કે સરકારે નાણાકીય વર્ષ 24 માં FAME યોજનાઓ માટે લગભગ 4,807 કરોડ રૂપિયા ફાળવ્યા હતા. ગત બજેટમાં વાર્ષિક ધોરણે આ ફાળવણીમાં 78 ટકાનો જંગી વધારો કરવામાં આવ્યો હતો. 2023 માટેની ફાળવણી ભારે ઉદ્યોગ મંત્રાલય માટે કરાયેલી કુલ ફાળવણીના 85 ટકા હતી.

નાણા મંત્રીની જાહેરાતથી પહેલા, મીડિયા રિપોર્ટ્સમાં કહેવામાં આવ્યુ હતુ કે બજેટમાં FAME-III માટે 10,000-12,000 કરોડ રૂપિયા અલગ રાખી શકાય છે.