Go First: છેલ્લા બે અઠવાડિયામાં ગો ફર્સ્ટના 150થી વધુ કર્મચારીઓએ આપ્યું રાજીનામું, અન્ય સ્ટાફ પણ છોડી શકે છે એરલાઇન

Go First: ગો-ફર્સ્ટની મુશ્કેલીઓ સતત વધી રહી છે. જ્યારે એરલાઇન કંપની પોતાની કામગીરી શરૂ કરવા માટે ઘણો સંઘર્ષ કરી રહી છે, ત્યારે હવે કંપનીની સામે વધુ એક સંકટ ઉભું થયું છે. કંપનીના કર્મચારીઓને છેલ્લા 3 મહિનાથી તેમનો પગાર મળ્યો નથી અને તેના કારણે તેઓ હવે અન્ય જગ્યાએ નોકરી શોધી રહ્યા છે.

એરલાઇનના એક વરિષ્ઠ એક્ઝિક્યુટિવે જણાવ્યું હતું કે, “કર્મચારીઓને રિટેન્શન બોનસ અને એરલાઇન ફરી શરૂ કરવાના વચનો છતાં મે, જૂન અને જુલાઈનો પગાર મળ્યો નથી. જેના કારણે કર્મચારીઓ પરેશાન છે.

શરૂઆતમાં કેટલાક કર્મચારીઓ એરલાઇનની સાથે ઉભા જોવા મળ્યા હતા, પરંતુ આ મહિનાથી કર્મચારીઓની અસંતોષ વધી રહી છે અને તેના કારણે રાજીનામા પણ વધી રહ્યા છે. એરલાઇનના અન્ય એક્ઝિક્યુટિવે કહ્યું, “છેલ્લા બે અઠવાડિયામાં લગભગ 150 કર્મચારીઓએ રાજીનામું આપ્યું છે. તેમાં 30 પાઈલટ, 50 કેબિન ક્રૂ મેમ્બર અને 50 કર્મચારીઓ ગ્રુપ હેન્ડલિંગ અને એન્જિનિયરિંગ સાથે સંકળાયેલા છે.

એક્ઝિક્યુટિવના જણાવ્યા અનુસાર, સુપ્રીમ કોર્ટના 7 ઓગસ્ટના ચુકાદા પછી કર્મચારીઓનું મનોબળ ડૂબી ગયું છે. સુપ્રીમ કોર્ટે દિલ્હી હાઈકોર્ટના ચુકાદા સામેની અપીલને ધ્યાનમાં લેવાનો ઇનકાર કર્યો હતો જેણે એરક્રાફ્ટ સપ્લાયર્સને તેમના વિમાનોની દેખરેખ અને જાળવણી કરવાની મંજૂરી આપી હતી.