Akasa Air: અકાસા એરના 43 પાઇલોટ્સે રાજીનામું આપ્યું, એરલાઇન સપ્ટેમ્બરમાં 600-700 ફ્લાઇટ્સ રદ કરવાની આરે

Akasa Air: બિગ બુલના નામથી જાણીતા શેરબજારના દિગ્ગજ રાકેશ ઝુનઝુનવાલાની એરલાઈન કંપની અકાસા એરએ દિલ્હી હાઈકોર્ટની સામે ચોંકાવનારો ખુલાસો કર્યો છે. વાસ્તવમાં, આકાસા એર આ દિવસોમાં એક નવી સમસ્યાનો સામનો કરી રહી છે. Akasa Airએ દિલ્હી હાઈકોર્ટમાં ખુલાસો કર્યો કે તેના 43 પાઈલટોએ અચાનક રાજીનામું આપી દીધું છે. ઉપરાંત તેણે પોતાનો નોટિસ પિરિયડ પણ પૂરો કર્યો નથી. જેના કારણે એરલાઈન્સ સપ્ટેમ્બરમાં તેની 600-700 ફ્લાઈટ્સ કેન્સલ કરવાની અણી પર છે. જેના કારણે આ એરલાઇન કંપનીની પ્રતિષ્ઠાને પણ ઘણું નુકસાન થયું છે. હવે એરલાઈને પાઈલટ સામે કાયદેસરની કાર્યવાહી કરી છે અને કરોડો રૂપિયાના વળતરની માંગણી કરી છે.

અકાસા એરને ફ્લાઈટ્સ કેન્સલ કરવી પડી

અકાસા એરનું સંચાલન શરૂ થયાને લગભગ એક વર્ષ થઈ ગયું છે. આવી સ્થિતિમાં એરલાઈન્સ હવે આટલી મોટી મુશ્કેલીઓનો સામનો કરી રહી છે. જોકે, એરલાઈન્સ નોટિસ પીરિયડ વગર અચાનક નોકરી છોડી દેનારા પાઈલટ્સ સામે કડક કાયદાકીય પગલાં લેવાના મૂડમાં હોય તેમ જણાય છે. કંપનીએ ફ્લાઇટ કેન્સલેશન અને રેવન્યુ લોસને ધ્યાનમાં રાખીને તે તમામ પાઇલટ્સ સામે લગભગ રૂ. 22 કરોડનો દાવો દાખલ કર્યો છે.

અકાસા એરલાઇનના મુસાફરો ફરિયાદ કરી રહ્યા હતા