Amazon Layoff : હવે થઈ રહી છે HR અને ક્લાઉડ યુનિટના કર્મચારીઓની છટણી, 9000 કર્મચારીઓને આપવામાં આવશે રોજગારી

Amazon Layoff : વિશ્વભરમાં ઘણી મોટી અને નાની કંપનીઓએ છટણીની જાહેરાત કરી છે. જાયન્ટ કંપની એમેઝોને માર્ચમાં છટણીના બીજા રાઉન્ડના ભાગરૂપે 9000 કર્મચારીઓને દૂર કરવાની પણ જાહેરાત કરી હતી. આ જાહેરાત હેઠળ, કંપનીએ છટણી શરૂ કરી દીધી છે. એમેઝોને બુધવારે તેના ક્લાઉડ કમ્પ્યુટિંગ અને હ્યુમન રિસોર્સિસ વિભાગમાં કેટલાક કર્મચારીઓને છૂટા કર્યા. એમેઝોન વેબ સર્વિસીસના સીઇઓ એડમ સેલિપ્સકી અને હ્યુમન રિસોર્સિસના વડા બેથ ગેલેટીએ યુએસ, કેનેડા અને કોસ્ટા રિકામાં કર્મચારીઓને છટણીના મેસેજીસ મોકલ્યા. આ મેસેજમાં, સેલિપ્સકીએ છટણી પર ખેદ વ્યક્ત કરતા લખ્યું કે, "આ અમારી સંસ્થા માટે મુશ્કેલ દિવસ છે."

માર્ચમાં છટણીની જાહેરાત કરવામાં આવી હતી

એમેઝોને ગયા મહિને બીજા રાઉન્ડમાં 9000 કર્મચારીઓની છટણીની જાહેરાત કરી હતી. આ અંતર્ગત હવે છટણી થઈ રહી છે. ગયા અઠવાડિયે, એમેઝોને તેના જાહેરાત યુનિટના કેટલાક કર્મચારીઓને છૂટા કર્યા. વધુમાં, તાજેતરના અઠવાડિયામાં કંપનીએ તેના વિડિયો ગેમ અને ટ્વિચ લાઇવસ્ટ્રીમિંગ યુનિટમાંથી કર્મચારીઓને પણ છૂટા કર્યા છે.

પહેલા રાઉન્ડમાં 18000 કર્મચારીઓએ તેમની નોકરી ગુમાવી હતી