દેશમાં Apple સ્ટોરની એન્ટ્રીથી ઉત્સાહિત CEO, ટિમ કુકે લાંબા ઇતિહાસનું કર્યું વર્ણન

iPhone અને MacBook બનાવનારી Apple ભારતમાં તેના પ્રથમ સ્ટોરને લઈને ખૂબ જ ઉત્સાહિત છે. એપલના સીઈઓ ટિમ કુકે આજે 17 એપ્રિલે કહ્યું છે કે ભારત ખૂબ જ સુંદર સંસ્કૃતિ ધરાવતો દેશ છે અને તેમાં અકલ્પનીય ઊર્જા છે. આથી, કંપની તેના લાંબા ઇતિહાસને અહીં ચાલુ રાખવા માટે ઉત્સાહિત છે. ટિમ કુકે કહ્યું કે ગ્રાહકોને ટેકો આપીને, સ્થાનિક લોકોમાં રોકાણ કરીને અને વધુ સારા ભવિષ્યના નિર્માણ માટે સાથે મળીને કામ કરીને માનવતાની શ્રેષ્ઠ સેવા કરવામાં આવશે. તમને જણાવી દઈએ કે એપલ ભારતમાં પોતાનો પહેલો માલિકીનો સ્ટોર ખોલવા જઈ રહી છે, જેને લઈને ટિમ કૂક ખૂબ જ ઉત્સાહિત છે. જોકે કંપનીએ લગભગ ત્રણ વર્ષ પહેલા વર્ષ 2020માં દેશમાં તેનો પહેલો ઓનલાઈન સ્ટોર ખોલ્યો હતો.

એપલ તેના સ્ટોર્સ ક્યાં ખોલી રહ્યું છે

Apple દેશમાં તેનો પહેલો સ્ટોર 18 એપ્રિલે મુંબઈમાં ખોલશે. આ પછી તેનો આગામી સ્ટોર દિલ્હીમાં બે દિવસ પછી 20 એપ્રિલે ખોલવામાં આવશે. મુંબઈ સ્ટોરનું નામ Apple BKC અને દિલ્હીના આઉટલેટનું નામ Apple Saket રાખવામાં આવ્યું છે. દિલ્હીમાં જે સ્ટોર ખુલશે તેની ડિઝાઈનની પ્રેરણા દિલ્હીના મહત્વના દરવાજામાંથી લેવામાં આવી છે અને દરેક ગેટ દિલ્હીના ઈતિહાસમાં એક નવા અધ્યાયનો સંકેત આપે છે.

એપલ માટે ભારતીય બજાર શા માટે મહત્વનું છે