Bank Employees: બેન્ક કર્મચારીઓને મળી શકે છે અઠવાડિયામાં બે વીક ઓફ, ઇન્ડિયન બેન્કિંગ એસોસિએશને દરખાસ્તને આપી મંજૂરી

Bank Employees: બેન્ક કર્મચારીઓને ટૂંક સમયમાં સપ્તાહની રજા સંબંધિત સારા સમાચાર મળી શકે છે. હકીકતમાં, મીડિયા અહેવાલો અનુસાર, ગયા મહિને યોજાયેલી બેઠકમાં, ભારતીય બેન્કિંગ એસોસિએશન (IBA) એ બેન્કમાં પાંચ કાર્યકારી દિવસોને મંજૂરી આપી છે. આ પ્રસ્તાવને હવે અંતિમ મંજૂરી માટે નાણાં મંત્રાલયને મોકલવામાં આવ્યો છે.

બેન્કમાં પણ મળશે અઠવાડીયામાં બે રજા

બેન્ક કર્મચારીઓ લાંબા સમયથી બે દિવસની સપ્તાહની રજાની માંગ કરી રહ્યા છે. હાલમાં બેન્ક કર્મચારીઓને દર અઠવાડિયે રવિવારે એક દિવસની રજા મળે છે. આ સિવાય મહિનાના બીજા અને ચોથા શનિવારે બેન્કિંગ પણ બંધ રહે છે. જો કે 2015 સુધી, બેન્કો અઠવાડિયામાં છ દિવસ તમામ શનિવાર સહિત કાર્યરત હતી. જો બે દિવસની સપ્તાહની રજાનો પ્રસ્તાવ સ્વીકારવામાં આવે તો, બેન્કો સોમવારથી શુક્રવાર સુધી કામ કરશે, પરંતુ તેમના દૈનિક કામના કલાકો 45 મિનિટ સુધી લંબાવવામાં આવશે.

મોટાભાગની બેન્કિંગ કામગીરી ડિજિટલ