GST Council Meet: ઓનલાઈન ગેમિંગ અને કેસિનો પર 1 ઓક્ટોબરથી 28% ટેક્સ લાગશે, FM નિર્મળા સીતારમણે કરી જાહેરાત

GST Council Meet: નાણામંત્રી નિર્મળા સીતારમણે કહ્યું કે ઓનલાઈન ગેમિંગ અને કેસિનો પર 28% GSTનો રેટ 1 ઓક્ટોબર, 2023થી લાગુ થશે. જીએસટી કાઉન્સિલની 51મી બેઠક બાદ આયોજિત પ્રેસ કોન્ફરન્સને સંબોધિત કરતી વખતે તેમણે આ માહિતી આપી હતી. આ સાથે, GST કાઉન્સિલે રિયલ-મની ગેમની સંપૂર્ણ રકમ પર 28 ટકા ટેક્સ વસૂલવાના નિર્ણયને યથાવત રાખ્યો છે. જો કે, બેઠક રેટમિયાન કેટલાક રાજ્યોએ તેના પર પુનર્વિચાર કરવાની માંગ કરી હતી. આ સિવાય કાઉન્સિલે આ ટેક્સ રેટને લાગુ કરવા માટે જરૂરી કાયદાકીય જોગવાઈઓ વિશે પણ ચર્ચા કરી હતી.

નાણામંત્રીએ જણાવ્યું હતું કે ઓનલાઈન ગેમિંગ પર ટેક્સ લાગુ કરવા માટે જરૂરી કાયદાકીય જોગવાઈઓ સંસદના વર્તમાન સત્રમાં લેવામાં આવે તેવી અપેક્ષા છે, જ્યારે તે 1 ઓક્ટોબરથી અમલમાં આવે તેવી અપેક્ષા છે. તે પછી તેની અસરની સમીક્ષા કરવા તેના અમલીકરણના 6 મહિના માટે સંમત થયા છે.

એક મહિનામાં જીએસટીની આ બીજી બેઠક હતી. અગાઉ 11 જુલાઈના રોજ મળેલી બેઠકમાં કાઉન્સિલે ઓનલાઈન ગેમિંગમાં રોકાણ કરવામાં આવેલી સમગ્ર રકમ પર 28 ટકા ટેક્સ વસૂલવાનો નિર્ણય લીધો હતો. ઉપરાંત તે સ્કીલ અને ઓપર્ચ્યુનિટી આધારિત ગેમિંગ વચ્ચે ભેદ પાડતી નથી.

સીતારમણે કહ્યું કે દિલ્હીના નાણામંત્રીએ ઓનલાઈન ગેમિંગ પર ટેક્સ લગાવવાનો વિરોધ કર્યો હતો જ્યારે ગોવા અને સિક્કિમ GGR (ગ્રોસ ગેમિંગ રેવન્યુ) પર ટેક્સ લગાવવા માગે છે અને ફેસ વેલ્યુ પર નહીં. જોકે, સીતારમણે કહ્યું કે કર્ણાટકથી લઈને ગુજરાત, મહારાષ્ટ્ર અને ઉત્તર પ્રદેશ જેવા અન્ય રાજ્યોમાં તેઓ ઈચ્છે છે કે છેલ્લી બેઠકમાં લેવાયેલા નિર્ણયનો અમલ થાય.