Go First: GoFirstને DGCA તરફથી ફ્લાઇટ્સ ફરી શરૂ કરવા માટે મળી મંજૂરી, પરંતુ કેટલી શરતોનું કરવું પડશે પાલન

Go First: દેવામાં ડૂબેલી એરલાઇન કંપની ‘ગો ફર્સ્ટ'ની ફ્લાઇટ્સ ફરીથી શરૂ કરવાની યોજનાને ડિરેક્ટોરેટ જનરલ ઓફ સિવિલ એવિએશન (DGCA) દ્વારા મંજૂરી આપવામાં આવી છે. જોકે, DGCAએ કેટલીક શરતો સાથે આ મંજૂરી આપી છે. ડીજીસીએએ જણાવ્યું હતું કે રેગ્યુલેટર પાસેથી જરૂરી ફંડ અને ફ્લાઇટ શેડ્યૂલની મંજૂરી પછી એરલાઇનને તેની ફ્લાઇટ કામગીરી શરૂ કરવાની મંજૂરી આપવામાં આવશે.

એવિએશન રેગ્યુલેટરે જણાવ્યું હતું કે, "જાણવામાં આવે છે કે 28 જૂને GoFirst દ્વારા સબમિટ કરવામાં આવેલ ડિસ્ક્લોઝર પ્લાન સક્ષમ અધિકારી દ્વારા પરીક્ષા બાદ સ્વીકારવામાં આવ્યો છે. જો કે, આ મંજૂરી દિલ્હી હાઈકોર્ટ અને NCLTની દિલ્હી બેન્ચ સમક્ષ પડતર અરજીઓને આધીન છે"

અગાઉ 19 જુલાઈના રોજ, GoFirst એ દિલ્હી અને મુંબઈમાં તેની સુવિધાઓના વિશેષ ઓડિટ બાદ ઉડ્ડયન રેગ્યુલેટર DGCA દ્વારા માંગવામાં આવેલી વધારાની માહિતી પૂરી પાડી હતી.

અધિકારીએ જણાવ્યું હતું કે રેગ્યુલેટરી મંજૂરી પછી, એરલાઈને હવે 15-18 એરક્રાફ્ટ અને દરરોજ 130 ફ્લાઈટ્સ સાથે બિઝનેસ ફરી શરૂ કરવાનો અને આગામી સપ્તાહમાં 22 એરક્રાફ્ટ સાથે દરરોજ 160 ફ્લાઈટ્સ વધારવાનો નિર્ણય લીધો છે.