જૂન ત્રિમાસિકમાં નિફ્ટીની ફક્ત સાત કંપનીઓનો નફો બાર્બી મુવીની કમાણી કરતા વધુ

ભારતીય લિસ્ટેડ કંપનીઓના જૂન 2023માં પુરા થતા ત્રિમાસિક ગાળાના નાણાકીય પરિણામ જાહેર થયા છે, જે એકંદર નબળા રહ્યા હતા. વૈશ્વિક ધોરણે સરખામણી કરીએ તો નિફ્ટી અંતર્ગત આવતી કંપનીઓની કમાણી નબળી રહી છે. હાલના સમયમાં વૈશ્વિક ધોરણે 1.2 અબજ ડૉલરની કમાણી કરનારી બાર્બી મુવી કરતા પણ નિફ્ટીની મોટા ભાગની કંપનીઓનો નફો ઓછો છે.

ભારતીય કંપનીઓના આંકડા વિવિધ વૈશ્વિક પરિબળો સાથે સરખાવવામાં આવે છે. જેમાં બાર્બી મુવીનો સમાવેશ છે. ફક્ત સાત કંપની જેમણે બાર્બી કંપની કરતા વધુ કમાણી જૂન 2023 ત્રિમાસિકમાં કરી છે જેમાં બીપીસીએલ (10,167.67 કરોડ રૂપિયા), આઈસીઆઈસીઆઈ બૅન્ક (10,763.41 કરોડ રૂપિયા), તાતા કન્સલટન્સી સર્વિસીસ (TCS) (11,120 કરોડ રૂપિયા), એચડીએફસી બૅન્ક (12,403.25 કરોડ રૂપિયા), ઓએનજીસી (16,857.22 કરોડ રૂપિયા), રિલાયન્સ ઈન્ડસ્ટ્રીઝ (18,182 કરોડ રૂપિયા) અને એસબીઆઈ (18,735.95 કરોડ રૂપિયા)નો સમાવેશ છે.

Income Tax Refund: 31 લાખ લોકોને ITR ભર્યા પછી પણ નહીં મળે ઈન્કમ ટેક્સ રિફંડ, કારણ જાણીને ચોંકી ઉઠશો

બાર્બી મુવીનું અત્યાર સુધીનું કલેકશન 9,950 કરોડ રૂપિયાનું છે. આ મુવીનું બજેટ 14.5 કરોડ ડૉલર હતું. તેથી બાર્બીનું રોકાણ સામે રિટર્ન (ROI) 700 ટકાથી પણ વધુ થયુ. આવુ નોંધપાત્ર પ્રમાણમાં રિટર્ન કઈ કંપની આપશે?