Paytm: Paytm એ Card Soundbox કર્યું લોન્ચ, કાર્ડથી પણ કરી શકશો 5000 રૂપિયા સુધીનું પેમેન્ટ

Paytm: મોબાઈલ પેમેન્ટ ફર્મ Paytm એ Card Soundbox લોન્ચ કર્યું છે. તેની ખાસ વાત એ છે કે આના દ્વારા દુકાનદારો ડેબિટ અને ક્રેડિટ કાર્ડ દ્વારા પણ પેમેન્ટ મેળવી શકશે. અત્યાર સુધી માત્ર QR કોડ એટલે કે મોબાઈલ દ્વારા જ પેમેન્ટ કરવાની સુવિધા હતી. નવું ડિવાઇસ 995 રૂપિયાના માસિક ભાડા પર 'ટૅપ એન્ડ પે' સુવિધા સાથે કાર્ડ પેમેન્ટની પરમિશન આપશે.

આ ડિવાઇસમાં શું ખાસ છે

આ ઓલ-ઇન-વન ડિવાઇસ સાથે, વેપારીઓ તમામ વિઝા, માસ્ટરકાર્ડ, અમેરિકન એક્સપ્રેસ અને RuPay નેટવર્ક પર 'Tap & Pay' વડે મોબાઇલ અને કાર્ડ બંને ચુકવણીઓ સ્વીકારી શકે છે. કાર્ડ પેમેન્ટ સ્વીકારવા માટે નિયર ફીલ્ડ કોમ્યુનિકેશન (NFC) ટેકનોલોજીનો ઉપયોગ કરવામાં આવશે. ડિવાઇસ દ્વારા તમામ ચૂકવણી કાર્ડ્સ તેમજ QR કોડ દ્વારા સ્વીકારી શકાય છે.

જો વેપારી ઈચ્છે તો તે કાર્ડ પેમેન્ટ પણ રોકી શકે છે. જોકે, તેમાં સ્વાઇપ પેમેન્ટની સુવિધા નથી. વેપારીઓ એક જ ટેપથી રૂપિયા 5000 સુધીની કાર્ડ પેમેન્ટ સ્વીકારી શકશે. Paytm એ તાજેતરમાં એક નાનો મોબાઈલ "પોકેટ સાઉન્ડબોક્સ" અને "મ્યુઝિક સાઉન્ડબોક્સ" લોન્ચ કર્યો, જે સાઉન્ડબોક્સ ડિવાઇસ પર ગીતો વગાડે છે.