PhonePe, Google Pay કે BHIM? Paytmના પ્રોબ્લેમથી કોને સૌથી વધુ ફાયદો, જાણો અહીં વિગતો

Paytm Ban: જેમ આપણે જાણીએ છીએ કે તાજેતરમાં RBI એ Paytm પર થોડો પ્રતિબંધ લાદ્યો છે, જેમાં પ્લેટફોર્મને નવી કેપિટલ અથવા ટોપ-અપ્સ સ્વીકારવાથી પ્રતિબંધિત કરવાનો આદેશ જાહેર કરવામાં આવ્યો છે. આ કારણે Paytm પેમેન્ટ્સ બેન્ક એપ ડાઉનલોડમાં ઘટાડાનો સામનો કરી રહી છે. પરંતુ ખાસ વાત એ છે કે તેના કારણે લોકોએ અન્ય પેમેન્ટ એપ્સ એટલે કે PhonePe, Google Pay અને BHIM વધુ ડાઉનલોડ કરવાનું શરૂ કરી દીધું છે.

આપણે જાણીએ છીએ તેમ, ગયા અઠવાડિયે જ, RBIએ નિયમનકારી ફેરફારો અને Paytm પેમેન્ટ બેન્કની બિન-પાલન ચિંતાઓને કારણે 29 ફેબ્રુઆરી પછી કોઈપણ કસ્ટમર એકાઉન્ટ, વૉલેટ અથવા ફાસ્ટેગમાં નવી કેપિટલ અથવા ટોપ-અપ્સ ન સ્વીકારવાનો આદેશ આપ્યો હતો. જે બાદ કંપની પોતાના યુઝર્સને ખાતરી આપવામાં વ્યસ્ત છે. આ ટ્રેન્ડને ચાલુ રાખતા સીઈઓ વિજય શેખર શર્માએ એક પોસ્ટ દ્વારા કહ્યું હતું કે આ એપ 29 ફેબ્રુઆરી પછી પણ કામ કરશે.

હાલમાં જ મની કંટ્રોલનો જ એક રિપોર્ટ છે, જેમાં જણાવ્યું છે કે Paytm પર પ્રતિબંધ પછી, Google Play Store પરથી PhonePe, Google Pay અને NPCIની BHIM એપને ડાઉનલોડ કરવાની સંખ્યામાં વધારો થયો છે.

આપને જણાવી દઈએ કે Paytm એપના એન્ડ્રોઈડ ડાઉનલોડ પણ 27 જાન્યુઆરીએ 90,039 ડાઉનલોડથી ઘટીને 3 ફેબ્રુઆરીએ 68,391 ડાઉનલોડ થઈ ગયા હતા, એટલે કે તેમાં 24 ટકાનો ઘટાડો થયો હતો.