JioSpaceFibre: Jioએ બતાવી ભારતની પ્રથમ સેટેલાઇટ આધારિત ગીગાબીટ બ્રોડબેન્ડ સર્વિસની ઝલક, અત્યંત દૂરના વિસ્તારોમાં પણ મળશે હાઇ-સ્પીડ કનેક્ટિવિટી

JioSpaceFibre: Reliance Jio Infocomm Limited એ JioSpaceFibreનું અનાવરણ કર્યું છે, જે ભારતની પ્રથમ સેટેલાઇટ-આધારિત ગીગાબીટ બ્રોડબેન્ડ સર્વિસ છે. આ દ્વારા, કંપની દુર્ગમ વિસ્તારોમાં હાઈ-સ્પીડ બ્રોડબેન્ડ કનેક્ટિવિટી પૂરી પાડવાનો હેતુ ધરાવે છે. જિયોએ 27 ઓક્ટોબરે નવી દિલ્હીમાં ઈન્ડિયા મોબાઈલ કોંગ્રેસમાં નવી સેટેલાઇટ બ્રોડબેન્ડ સર્વિસનું અનાવરણ કર્યું હતું. કંપનીએ એક નિવેદનમાં જણાવ્યું હતું કે તે JioSpaceFiberને સમગ્ર દેશમાં અત્યંત સસ્તા દરે ઉપલબ્ધ કરાવવાનો પ્લાન ધરાવે છે. Jio એ કહ્યું છે કે સેટેલાઇટ નેટવર્ક મોબાઇલ બેકહોલ માટે વધારાની ક્ષમતા પ્રોવાઇડ કરશે, જેનાથી દેશના સૌથી દૂરના વિસ્તારોમાં પણ Jio True5G ની પહોંચ અને સ્કેલેબિલિટીમાં વધારો થશે.

Reliance Jio Infocomm Limitedના ચેરમેન આકાશ અંબાણીએ કહ્યું, 'Jio એ ભારતમાં લાખો ઘરો અને વ્યવસાયોને પ્રથમ વખત બ્રોડબેન્ડ ઇન્ટરનેટનો અનુભવ કરવા સક્ષમ બનાવ્યા છે. JioSpaceFiber સાથે અમે લાખો લોકોને આવરી લેવા માટે અમારી પહોંચ વિસ્તારી રહ્યા છીએ જેઓ હજુ કનેક્ટ થવાના બાકી છે. JioSpaceFiber ઓનલાઈન સરકારી, શિક્ષણ, આરોગ્ય અને મનોરંજન સર્વિસમાં ગીગાબીટ એક્સેસ પ્રોવાઇડ કરીને નવી ડિજિટલ સોસાયટીમાં સંપૂર્ણ રીતે ભાગ લેવા માટે દરેક જગ્યાએ દરેકને સક્ષમ બનાવશે.

45 કરોડથી વધુ કસ્ટમર્સને હાઈ-સ્પીડ બ્રોડબેન્ડ પ્રોવાઇડ

Jio હાલમાં ભારતમાં 45 કરોડથી વધુ કસ્ટમર્સને હાઈ-સ્પીડ બ્રોડબેન્ડ સર્વિસ પૂરી પાડે છે. તે ફિક્સ્ડ લાઇન અને વાયરલેસ બંને વિકલ્પો પ્રોવાઇડ કરે છે. કંપનીએ જણાવ્યું હતું કે, દેશભરના દરેક ઘરોમાં ડિજિટલ સમાવેશને વેગ આપવા માટે, Jio એ JioSpaceFiber ને તેની પહેલેથી જ મજબૂત બ્રોડબેન્ડ સર્વિસમાં રજૂ કર્યું છે. Jioની બ્રોડબેન્ડ સર્વિસમાં JioFiber અને JioAirFiberનો સમાવેશ થાય છે.