Swiggyનો ફૂડ ડિલિવરી બિઝનેસ બન્યો નફાકારક, કંપનીના CEOએ કરી જાહેરાત

ઑનલાઇન ફૂડ ડિલિવરી કંપની સ્વિગીએ જાહેરાત કરી છે કે તેનો ફૂડ-ડિલિવરી બિઝનેસ FY2023 ના માર્ચ ક્વાર્ટરમાં નફાકારક બન્યો છે. Zomatoના ત્રિમાસિક પરિણામોની જાહેરાતના એક દિવસ પહેલા Swiggyએ આ માહિતી આપી છે. 18 મેના રોજ એક બ્લોગ પોસ્ટમાં, સ્વિગીના સહ-સ્થાપક અને સીઈઓ શ્રીહર્ષ મેજેટીએ જણાવ્યું હતું કે, "સ્વિગી તેની શરૂઆતના નવ વર્ષથી ઓછા સમયમાં નફાકારક બનેલા બહુ ઓછા વૈશ્વિક ફૂડ ડિલિવરી પ્લેટફોર્મ્સમાંનું એક બની ગયું છે." સ્વિગી રોકાણકારો ઇન્વેસ્કો અને બેરોન કેપિટલ દ્વારા છેલ્લા કેટલાક અઠવાડિયામાં બેંગલુરુ સ્થિત સ્ટાર્ટઅપમાં તેમનો હિસ્સો ઘટાડ્યા પછી મેજેટીની જાહેરાત કરવામાં આવી છે.

શું કહ્યું કંપનીના CEOએ

કંપનીના સહ-સ્થાપકએ જણાવ્યું હતું કે સ્વિગીનો ક્વિક-કોમર્સ બિઝનેસ ઇન્સ્ટામાર્ટ આગામી થોડા અઠવાડિયામાં કોન્ટ્રીબ્યુશન માર્જિન ન્યુટ્રલ બની જશે. સીઈઓએ એવા કારણો પણ ગણાવ્યા કે જેના કારણે કંપની નફાકારકતાના બેન્ચમાર્ક પર પહોંચી ગઈ. "ઇનોવેશન પર અમારું ધ્યાન, મજબૂત અમલીકરણ સાથે મળીને અમને આ સીમાચિહ્ન હાંસલ કરવામાં સક્ષમ બનાવ્યું છે. સ્વિગીનો ફૂડ ડિલિવરી બિઝનેસ નફાકારક બન્યો છે," તેમણે ઉમેર્યું.

CEOએ જણાવ્યું હતું કે કંપની આગામી સમયમાં ટિયર II અને III માર્કેટમાં બિઝનેસ વધારવાનું લક્ષ્ય ધરાવે છે. તમને જણાવી દઈએ કે Zomato અને Swiggy બંનેએ કહ્યું છે કે ગ્લોબલ ફૂડ ડિલિવરી માર્કેટ ધીમી પડી રહ્યું છે. મંદીના ભય વચ્ચે સ્વિગીએ તેનું માંસ બજાર બંધ કર્યું. કંપનીએ આ વર્ષે જાન્યુઆરીમાં 380 કર્મચારીઓની છટણી કરવાનો નિર્ણય પણ લીધો હતો.