Air Indiaએ કર્મચારીઓ માટે VRS લેવાની છેલ્લી તારીખ 31 મે સુધી લંબાવી, જાણો વિગતો

ટાટા ગ્રૂપની માલિકીની Air Indiaએ તેના કર્મચારીઓ માટે સ્વૈચ્છિક નિવૃત્તિ (VRS) માટે અરજી કરવાની છેલ્લી તારીખ 31 મે, 2023 સુધી લંબાવી છે. અગાઉ આ સમયમર્યાદા 30 એપ્રિલ હતી. નોટિફિકેશનમાં એમ પણ કહેવામાં આવ્યું છે કે VRS એપ્લિકેશનની મંજૂરી અને કર્મચારીઓને છૂટા કરવાની તારીખ અંગેનો અંતિમ નિર્ણય મેનેજમેન્ટ પાસે રહેશે. Air Indiaએ કહ્યું કે કર્મચારીઓ સ્વૈચ્છિક નિવૃત્તિ સંબંધિત તમામ પ્રશ્નો અને ચિંતાઓને દૂર કરવા માટે કંપનીના એચઆર પ્રતિનિધિઓનો સંપર્ક કરી શકે છે.

તમને જણાવી દઈએ કે ટાટા સન્સે ગયા વર્ષે ઓક્ટોબરમાં બિડ દ્વારા Air Indiaને ખરીદી હતી. Air Indiaના અધિગ્રહણ પછી, ટાટા સન્સે એક નિવેદનમાં કહ્યું હતું કે તે તેના તમામ જૂના કર્મચારીઓને આગામી એક વર્ષ સુધી જાળવી રાખશે અને તે કર્મચારીઓ માટે સ્વૈચ્છિક નિવૃત્તિ યોજના લાવશે જેઓ નિવૃત્ત થવા માગે છે.

Air Indiaએ ગયા માર્ચમાં નોન-ફ્લાઈંગ કર્મચારીઓ માટે તેની બીજી VRS ઓફર શરૂ કરી હતી. આ ઓફર કાયમી જનરલ કેડરના અધિકારીઓ અને કારકુન અને 40 વર્ષથી વધુ ઉંમરના અકુશળ કર્મચારીઓને વિસ્તારવામાં આવી હતી જેઓ ઓછામાં ઓછા છેલ્લા 5 વર્ષથી એરલાઇન સાથે સંકળાયેલા છે. તે સમયે એવું કહેવામાં આવ્યું હતું કે કર્મચારી આ ઓફર હેઠળ 17 માર્ચથી 30 એપ્રિલ, 2023 સુધી VRS માટે અરજી કરી શકે છે.

Air Indiaના કર્મચારીઓ માટે પ્રથમ VRS ઓફર જૂન 2022માં આવી હતી. Air India પાસે કુલ કર્મચારીઓની સંખ્યા લગભગ 11,000 છે, જેમાં ફ્લાઈંગ અને નોન-ફ્લાઈંગ કર્મચારીઓનો સમાવેશ થાય છે.