Zerodha Mutual Funds: Zerodha સૌથી પહેલા આ 2 મ્યુચ્યુઅલ ફંડ સ્કીમ કરશે લોન્ચ, જાણો તમામ મહત્વની બાબતો

Zerodha Mutual Funds: દેશની સૌથી નવી મ્યુચ્યુઅલ ફંડ કંપની, ઝેરોધા એસેટ મેનેજમેન્ટ લિમિટેડ (Zerodha Asset Management Ltd) તેની પ્રથમ બે મ્યુચ્યુઅલ ફંડ યોજનાઓ શરૂ કરવા માટે તૈયાર છે. ઝેરોધાને બજાર નિયામક સેબી (SEBI) દ્વારા લગભગ એક મહિના પહેલા મ્યુચ્યુઅલ ફંડ (Mutual Funds Scheme) બિઝનેસમાં પ્રવેશવાની મંજૂરી આપવામાં આવી હતી. કંપનીએ હવે 2 યોજનાઓ શરૂ કરવા માટે સેબીને ડ્રાફ્ટ પેપર સબમિટ કર્યા છે.

દસ્તાવેજ મુજબ, આ બે યોજનાઓના નામ છે- “ઝેરોધા ટેક્સ સેવર (ELSS) નિફ્ટી લાર્જ મિડકેપ 250 ઈન્ડેક્સ ફંડ” (Zerodha Tax Saver (ELSS) Nifty LargeMidcap 250 Index Fund) અને “ઝીરોધા નિફ્ટી લાર્જ મિડકેપ 250 ઈન્ડેક્સ ફંડ (Zerodha Nifty LargeMidcap 250 Index Fund)”. આ બંને પેસિવ યોજનાઓ હશે.

બંને યોજનાઓનો બેન્ચમાર્ક નિફ્ટી લાર્જ મિડકેપ 250 ઈન્ડેક્સ ફંડ હશે. એક ફંડ જ્યાં સામાન્ય વૈવિધ્યસભર ઇક્વિટી ફંડ. બીજી તરફ, ELSS સ્કીમ એ ટેક્સ સેવિંગ સ્કીમ છે, જેમાં કલમ 80C હેઠળ રૂપિયા 1.5 લાખના રોકાણ પર ટેક્સ કપાત મેળવી શકાય છે.

ઝેરોધાએ પહેલેથી જ તેની બિઝનેસ પ્લાનની જાહેરાત કરી હતી કે તે મોટાભાગે પેસિવ સ્કીમ્સ લોન્ચ કરશે. અધિકારીઓના જણાવ્યા અનુસાર, Zerodha AMC ભવિષ્યમાં ઇન્ડેક્સ ફંડ્સ સિવાય એક્સચેન્જ-ટ્રેડેડ ફંડ્સ (ETFs) પણ લોન્ચ કરશે.