M&M Q3 Results: વર્ષના આધાર પર કંપનીનો નફો 60 ટકા વધ્યો, આવક 16.8 ટકા વધી

M&M Q3 Results: ઑટો સેક્ટરમાં દેશની સૌથી મોટી કંપનીઓમાંની એક મહિન્દ્રા એન્ડ મહિન્દ્રાએ નાણાકીય વર્ષ 2024ના ડિસેમ્બર ક્વાર્ટરના પરિણામો જાહેર કર્યા છે. ડિસેમ્બર ક્વાર્ટરના પરિણામો જાહેર થયા બાદ આ શેરમાં ઘટાડો વધતો જોવા મળ્યો છે. પરિણામો જાહેર થયાના થોડા સમય પછી, બપોરે 2 વાગ્યે આ સ્ટૉક 0.8 ટકાના ઘટાડા સાથે 1632 રૂપિયા પ્રતિ શેરના ભાવ પર કારોબાર કરતો જોવા મળ્યો છે. કંપનીના પરિણામો ગયા વર્ષના સમાન ક્વાર્ટરની સરખામણી સારા રહ્યા છે.

CNBC-TV18ના અનુમાન કરતા કંપનીના પરિણામ સારા રહ્યા છે. પરિણામોની સાથે કંપનીએ જાણકારી આપી છે કે ત્રીજા ક્વાર્ટરમાં કંપનીએ કુલ 2.11 લાખ યુનિટ્સનું વેચાણ કર્યું છે. વર્ષના આધાર પર તેમાં 20 ટકાની ગ્રોથ જોવા મળી છે.

નફામાં વધારો

ડિસેમ્બર ક્વાર્ટરમાં આ ઑટો કંપનીનો નફો 2454 કરોડ રૂપિયા રહ્યો છે. જ્યારે, ગયા નાણાકીય વર્ષના સમાન ક્વાર્ટરમાં આ કંપનીનો નફો 1528 કરોડ રૂપિયા રહ્યો હતો. વર્ષના આધાર પર કંપનીના નફામાં 61 ટકાનો ગ્રોથ જોવા મળ્યો છે. બજારને તે 2353 કરોડ રૂપિયાનો અનુમાન હતો.