Reliance Jio FY24Q2 Results: Jioનો ચોખ્ખો નફો વાર્ષિક ધોરણે 12% વધીને થયો રૂપિયા 5,058 કરોડ, આવકમાં ધરખમ વધારો

Reliance Jio FY24Q2 Results: રિલાયન્સ ઇન્ડસ્ટ્રીઝના ટેલિકોમ વિભાગ Jio Infocomm એ આજે ​​27 ઓક્ટોબરે નાણાકીય વર્ષ 2023-24ના બીજા ક્વાર્ટર એટલે કે સપ્ટેમ્બરમાં પૂરા થયેલા ક્વાર્ટરના પરિણામો જાહેર કર્યા હતા. ટેલિકોમ સેક્ટરની દિગ્ગજ કંપની રિલાયન્સ જિયોએ બીજા ક્વાર્ટરમાં રૂપિયા 5,058 કરોડનો સ્ટેન્ડઅલોન ચોખ્ખો નફો નોંધાવ્યો હતો. વાર્ષિક ધોરણે તેમાં વધારો જોવા મળ્યો હતો. બીજા ક્વાર્ટરમાં કંપનીના નફામાં વાર્ષિક 12.10 ટકાનો વધારો જોવા મળ્યો છે. જ્યારે ત્રિમાસિક ધોરણે અગાઉના ક્વાર્ટરની સરખામણીએ તેમાં 4 ટકાનો વધારો જોવા મળ્યો છે.

કામગીરીમાંથી કંપનીની આવકમાં પણ વધારો જોવા મળ્યો છે. બીજા ક્વાર્ટરમાં કંપનીની આવક વાર્ષિક ધોરણે 9.89 ટકા વધી છે. બીજા ક્વાર્ટરમાં કંપનીની આવક વધીને રૂપિયા 24,750 કરોડ થઈ છે. ટેલિકોમ કંપનીએ પ્રેસ રિલીઝમાં જણાવ્યું હતું કે ત્રિમાસિક ધોરણે આવકમાં પણ વધારો જોવા મળ્યો છે. બીજા ક્વાર્ટરમાં આવક અગાઉના ક્વાર્ટરમાં રૂપિયા 24,042 કરોડથી 2.94 ટકા વધી છે.

નાણાકીય વર્ષ 2023-24 ના બીજા ક્વાર્ટરમાં કંપનીનું ઓપરેટિંગ માર્જિન વાર્ષિક ધોરણે 10 બેસિસ પોઈન્ટ વધીને 26.4 ટકા થયું છે. તેનો નફો માર્જિન 40 બેસિસ પોઈન્ટ વધીને 17.40 ટકા થયો છે.

નાણાકીય વર્ષ 2023-24 ના બીજા ક્વાર્ટર દરમિયાન ત્રિમાસિક ધોરણે રિલાયન્સ જિયોનું EBITDA માર્જિન 52.3% પર યથાવત રહ્યું.