Bye-Bye Nokia! કંપનીનો મોટો નિર્ણય, શું ફરી એકવાર ખત્મ થશે Nokiaની સ્ટોરી?

જો કે, એવું નથી કે નોકિયા સ્માર્ટફોન હવે ઉપલબ્ધ રહેશે નહીં. કંપનીએ સ્પષ્ટ કર્યું છે કે તેઓ નોકિયા ફોન પણ બનાવવાનું ચાલુ રાખશે. આ સાથે કંપની નવી બ્રાન્ડ સાથે મળીને ડિવાઇસ પણ લોન્ચ કરશે. કંપનીની નવી વેબસાઈટ hmd.com છે, જેના પર તમને નોકિયા ફોનનું લિસ્ટ મળશે.

કંપનીનું શું છે આયોજન?

HMD કહે છે કે તે મૂળ HMD બ્રાન્ડિંગ સ્થાપિત કરવા પર પણ કામ કરશે. કંપનીએ કહ્યું કે અમે હજી પણ નોકિયા સ્માર્ટફોન અને ફીચર ફોનના નિર્માતા છીએ, પરંતુ અમે વધુ લાવવાની તૈયારી કરી રહ્યા છીએ, જેમાં તમામ નવી ભાગીદારીના મૂળ HMD ડિવાઇસ અને ફોન સામેલ હશે.

કંપનીએ એક ટીઝર પણ બહાર પાડ્યું છે, જેમાં તેણે પોતાને હ્યુમન મોબાઈલ ડિવાઈસ તરીકે વર્ણવ્યું છે. તમને જણાવી દઈએ કે છેલ્લા સાત વર્ષથી HMD ગ્લોબલ નોકિયા બ્રાન્ડેડ સ્માર્ટફોન અને ફીચર ફોનનું ઉત્પાદન કરી રહ્યું છે. કંપનીએ તેની શરૂઆત વર્ષ 2017માં કરી હતી.

કંપનીએ વર્ષ 2016માં માઈક્રોસોફ્ટ પાસેથી નોકિયા બ્રાન્ડ ખરીદી હતી. કંપનીએ 10 વર્ષ માટે નોકિયા બ્રાન્ડ્સના અધિકારો વેચ્યા હતા. એચએમડી ગ્લોબલના પહેલા સ્માર્ટફોન વિશે વધુ માહિતી નથી, પરંતુ કંપનીએ તેનું ટીઝર રિલીઝ કર્યું છે. આ હેન્ડસેટ ડ્યુઅલ રિયર કેમેરા સેટઅપ સાથે આવી શકે છે. તેની ડિઝાઇન માઇક્રોસોફ્ટ લુમિયા લાઇનઅપથી પ્રેરિત હોવાનું જણાય છે.

આ પણ વાંચો - Gujarat Budget 2024-25: નાણાપ્રધાન કનુભાઈ દેસાઈનું સંપૂર્ણ ભાષણ, જાણો કયા સેક્ટર માટે કેટલી જોગવાઈ