આજથી આ આઈપીઓમાં પૈસા લગાવી શકો છો, પ્રાઇસ બેન્ડથી લઈને GMP સુધી, જાણી લો દરેક ડિટેલ

હયાત બ્રાન્ડ હોટેલ્સ ચલાવતી કંપની જુનિપર હોટેલ્સ (Juniper Hotels)નો 1800 કરોડ રૂપિયાનો આઈપીઓ આજે સબ્સક્રિપ્શન માટે ખુલ્યો છે. આ આઈપીઓના શેર માટે 23 ફેબ્રુઆરી સુધી રોકાણકારો બોલી લગાવી શકે છે. જુનિપર હોટેલ આઈપીઓની પ્રાઇસ બેન્ડ 342-360 રૂપિયા પ્રતિ શેર રાખવામાં આવી છે. આ સંપૂર્ણપણે ફ્રેશ ઈશ્યૂ છે. એટલે કે ઑફર ફૉર સેલ દ્વારા કોઈ શેર વેચવામાં નહીં આવશે.

જ્યુનિપર હોટેલ્સ એક લક્ઝરી હોટેલ ડેવલપમેન્ટ અને ઑનરશિપ કંપની છે. કંપની લક્ઝરી, અપર અપસ્કેલ અને અપસ્કેલ કેટેગરીની હોટલ ચલાવે છે. મુંબઈ, દિલ્હી, અમદાવાદ, લખનૌ, રાયપુર અને હમ્પીમાં કંપનીની હોટલ છે. જુનિપર હોટેલ્સના આઈપીઓમાં શેરની અલૉટમેન્ટ 26 ફેબ્રુઆરીએ થશે. આઈપીઓના શેરોની લિસ્ટિંગ 28 ફેબ્રુઆરીએ બીએસઈ અને એનએસઈ પર થવાની આશા છે.

એન્કર રોકાણકારો પાસેથી એકત્ર કર્યા 810 કરોડ રૂપિયા

જ્યુનિપર હોટેલ્સનો આઈપીઓ ખોલતા પહેલા કંપનીએ એન્કર રોકાણકારો પાસેથી 810 કરોડ રૂપિયા એકત્ર કર્યા છે. આ એન્કર બુકમાં જે ફૉરેન અને ડોમેસ્ટિક ઈન્સ્ટીટ્યૂશન્સે ભાગ લીધો, તેમાં ફિડેલિટી (Fidelity), કોટક મહિન્દ્રા બેન્ક એમએફ (Kotak Mahindra MF), સરકારી પેન્શન ફંડ (નોર્વે), વ્હાઇટ ઓક (White Oak), ધ પ્રુડેન્શિયલ એશ્યોરન્સ કંપની (MNG), ઇન્વેસ્કો (Invesco), આઈસીઆઈસીઆઈ પ્રુડેન્શિયલ લાઈફ ઈન્સ્યોરન્સ, HDFC લાઈફ ઈન્સ્યોરન્સ અને ક્વોન્ટ મ્યુચ્યુઅલ ફંડ (Quant Mutual Funds)નો સમાવેશ થાય છે.