રિષભ ઈન્સ્ટ્રુમેન્ટ્સનો IPO બુધવારે સબસ્ક્રિપ્શન માટે ખુલશે

નાશિક સ્થિત રિષભ ઈન્સ્ટ્રુમેન્ટ્સનો આઈપીઓ ૩૦ ઓગસ્ટના રોજ સબસ્ક્રિપ્શન માટે ખુલશે અને પહેલી સપ્ટેમ્બરના રોજ બંધ થશે. રિષભ ઈન્સ્ટ્રુમેન્ટ્સ એક ઈન્ટિગ્રેટેડ કંપની છે જે ઈલેક્ટ્રીક પાર્ટસનું ડિઝાઈનિંગ, ડેવલપિંગ, મેન્યુફેક્ચરિંગ અને સપ્લાય કરે છે, ડિવાઈઝને કંટ્રોલ- પ્રોટેક્શન કરવાની સાથે પોર્ટેબલ ટેસ્ટ પણ કંપની દ્વારા કરવામાં આવે છે. સોલાર સ્ટ્રીંગ ઈનવર્ટર્સનું પણ કંપની ઉત્પાદન કરે છે.

ઉપરાંત તેમની લુમીલ એલ્યુકાસ્ટ કંપની મારફતે એલ્યુમિનિયમ હાઈ-પ્રેશર કાસ્ટિંગનું ઉત્પાદન કરીને તેની સપ્લાય પણ કરે છે. કંપનીના બે મેન્યુફેક્ચરિંગ પ્લાન્ટ નાશિકમાં છે જેની એકંદર ઉત્પાદન ક્ષમતા ૪૩.૧ કરોડ યુનિટ્સની છે.

ચંદ્રયાન-૩ની સફળતા બાદ ડિફેન્સ શૅર્સમાં તેજી

કંપની આઈપીઓના માધ્યમે રૂ.૭૫ કરોડનું ભંડોળ એકત્ર કરવા માગે છે અને ઓફર ફોર સેલ (ઓએફએસ) ૯૪.૩ કરોડ શૅર્સનો સમાવેશ છે જે વર્તમાન શૅરધારકો અને પ્રમોટર્સનાં છે. ડેમ કેપિટલ એડવાઈઝર્સ લિ., મિરાઈ એસેટ કેપિલ માર્કેટ્સ ઈન્ડિયા અને મોતિલાલ ઓસવાલ ઈનવેસ્ટમેન્ટ એડવાઈઝર્સ ઈસ્યુના લીડ મેનેજર્સ છે.