ટાટા ટેકનો આઈપીઓ (Tata Tech IPO) 22 નવેમ્બરે આવવા જઈ રહ્યો છે. આ પહેલા ટાટા ગ્રુપ (Tata Group)ની કેટલીક કંપનીઓના શેરોમાં શાનદાર તેજી જોવા મળી રહી છે. ટાટાના એક શેરે તો રોકાણકારને માત્ર 2 દિવસમાં મજબૂત રિટર્ન આપ્યું છે. માત્ર એક જ દિવસમાં આ કંપનીના શેરે 15 ટકાથી વધુ રિટર્ન આપ્યું છે. છ મહિનામાં આ સ્ટૉકે લગભગ 100 ટકા રિટર્ન આપ્યું છે.
Tata Tech IPO: બે દિવસમાં 35 ટકા વધ્યો આ શેર, આઈપીઓ પહેલા ટાટાની આ કંપનીએ કરાવી મજબૂત કમાણી
ટાટા ટેક્નોલૉજીના આઈપીઓ આવવા પહેલા જ ટાટા ગ્રૂપના એક શેરે રોકાણકારોને મજબૂત કમાણી કરાવી છે. ટાટાના આ શેરે બે દિવસમાં 35 ટકા સુધીનું રિટર્ન આપ્યું છે.
MoneyControl Newsઅપડેટેડ Nov 20, 2023 પર 1:25 PM
સોમવારે ટાટા ઇન્વેસ્ટમેન્ટ કૉર્પોરેશન (Tata Investment Corporation)ના શેર 52 વીકના હાઈ લેવલ પર પહોંચી ગયો છે. બીએસઈ પર આ શેર 15.79 ટકાના વધારા સાથે 4,521.90 રૂપિયા પર કારોબાર કરી રહ્યો છે. છેલ્લા બે દિવસ દરમિયાન ટાટા ઇન્વેસ્ટમેન્ટના શેર (Tata Investment Share Price)માં લગભગ 35 ટકાનો વધારો થયો છે. 17 નવેમ્બરે ટાટા ઇન્વેસ્ટમેન્ટના શેરમાં 20 ટકાનો વધારો થયો હતો અને આ સ્ટૉક એક સપ્તાહ દરમિયાન લગભગ 40 ટકા વધ્યો છે. જાન્યુઆરીથી અત્યાર સુધીમાં આ સ્ટૉક 112 ટકા રિટર્ન આપ્યું છે.
શા માટે થઈ રહી ટાટાના આ શેરોમાં તેજી
ટાટા ઇન્વેસ્ટમેન્ટ કૉર્પોરેશનના શેરોમાં તેજી એવા સમયે આવી રહી છે, જ્યારે ટાટા ટેક્નોલૉજીનો આઇપીઓ (Tata Technology IPO) સબ્સક્રિપ્શન માટે 22 નવેમ્બરે ઓપન થઈ રહ્યો છે. ટાટા ટેકનોલૉજી, ટાટા મોટર્સ (Tata Motors)ની સબ્સિડરી કંપની છે અને ટાટા ઈન્વેસ્ટમેન્ટ કૉર્પોરેશન ટાટા મોટર્સનું પ્રમોટર ગ્રુપ છે. આવી સ્થિતિમાં આઈપીઓના આવાથી પહેલા આ કંપનીઓના શેરમાં તેજી જોવા મળી રહી છે.
ટાટાની ઘણી કંપનીઓમાં તેનો હિસ્સો છે
ટાટા ઇન્વેસ્ટમેન્ટ કૉર્પોરેશન એક નૉન-બેન્કિંગ ફાઇનાન્સ કંપની (NBFC) છે અને ટાટા ગ્રૂપની ઘણી પ્રમુખ કંપનીઓમાં હિસ્સો છે, જેમાં ટાટા કન્સલ્ટન્સી સર્વિસિસ (TCS), ટાટા સ્ટીલ, ટાટા કન્ઝ્યુમર પ્રોડક્ટ્સ, ટાટા કેમિકલ્સ અને ટાટા એલ્ક્સસી જેવી કંપનીઓ શામેલ છે. ટાટા ઇન્વેસ્ટમેન્ટે 17 નવેમ્બરે વૈભવ ગોયલને જનરલ મેનેજર તરીકે નિયુક્ત કર્યા હતા. ટાટા ઇન્વેસ્ટમેન્ટે નાણાકીય વર્ષ 2024 ના બીજા ક્વાર્ટરમાં 113.24 કરોડ રૂપિયાનો નેટ પ્રોફિટ નોંધાવ્યો હતો, જે પાછલા નાણાકીય વર્ષ કરતાં 31.38 ટકા વધુ છે.
ટાટાના આઈપીઓમાં રોકાણ કરવાની સારી તક
ટાટા ટેક્નોલૉજીના આઈપીઓને લઈને ઘણા એક્સપર્ટ અનુમાન લગાવી રહ્યા છે કે આ આઈપીઓ રોકાણકારોને સારી કમાણી કરાવી શકે છે. ગ્રે માર્કેટ પણ તેમાં સારા ઉછાળાના સંકેત જોવા મળી રહ્યા છે. 22 નવેમ્બરથી લઈને 24 નવેમ્બરની વચ્ચે તમે આ આઈપીઓમાં સબ્સક્રિપ્શન ખરીદી શકો છો. બે દાયકા પછી ટાટા ગ્રુપનો આ પહેલો આઈપીઓ હશે.
ટાટા ટેક્નોલૉજીનો પ્રાઇસ બેન્ડ
કંપનીનો પ્લાન આ આઈપીઓના દ્વારા 3,042.51 રૂપિયા એકત્ર કરવાનો છે. પ્રમોટર્સ અને ઈનવેસ્ટર્સને ઓફર ફૉર સેલ માટે 6.09 ઇક્વિટી શેર રાખ્યા છે. ટાટા મોટર્સે 4.62 કરોડ ઇક્વિટી શેર ઓએફએસના દ્વારા વેચશે, જ્યારે અલ્ફા ટીસી ઈન્વેસ્ટર્સે 97.17 લાખ શેર ઑફર ફૉર સેલ માટે રાખ્યા છે. ટાટા ટેક્નોલૉજીના પ્રાઈઝ બેન્ડ 475 રૂપિયાથી 500 રૂપિયા પ્રતિ શેર છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.