LIC GST Notice: જાહેર ક્ષેત્રની ઈન્શ્યોરેન્સ કંપની એલઆઈસી (LIC)ને વર્ષ 2024ની શરૂઆતમાં મોટો ઝટકો લાગ્યો છે. વીમા કંપનીને 806 કરોડ રૂપિયાની જીએસટી નોટિસ મળી છે. નોટિસ અનુસાર, આમાં 365.02 કરોડ રૂપિયા જીએસટી, 404.7 કરોડ રૂપિયા પેનલ્ટી અને 36.5 કરોડ રૂપિયા વ્યાજ સામેલ છે. એલઆઈસીએ કહ્યું છે કે તે આ નોટિસ સામે અપીલ દાખલ કરશે.
LICને મોટો ઝટકો, મળી 806 કરોડ રૂપિયાની જીએસટી નોટિસ, સરકારી કંપની કરશે અપીલ
LIC GST Notice: એલઆઈસીને નિયમોના ઉલ્લંઘનને કારણે 806 કરોડ રૂપિયાની જીએસટી નોટિસ મળી છે. આ જીએસટી નોટિસ મુંબઈના ડેપ્યુટી કમિશનર ઑફ સ્ટેટ ટેક્સ તરફથી મળી છે.
MoneyControl Newsઅપડેટેડ Jan 02, 2024 પર 12:31 PM
કંપનીએ રેગ્યુલેટરી ફાઇલિંગમાં આપી જાણકારી
લાઈફ ઈન્શ્યોરેન્સ કૉર્પોરેશન ઑફ ઈન્ડિયા (Life Insurance Corporation of india)એ આ જીએસટી નોટિસ મુંબઈના ડેપ્યુટી કમિશનર ઑફ સ્ટેટ ટેક્સની તરફથી મળી છે. કંપનીએ રેગ્યુલેટરી ફાઈલિંગમાં કહ્યું કે તે આ નોટિસ સામે અપીલ દાખલ કરશે. કંપની પર ઇનપુટ ટેક્સ ક્રેડિટના નૉન રિવર્સલ નિયમોનું ઉલ્લંઘન કરવાનો આરોપ છે.
કંપનીએ કહ્યું- નહીં થાય કોઈ અસર
ભારી ભરકમ જીએસટી નોટિસ મળ્યા બાદ એલઆઈસીએ કહ્યું છે કે તે મુંબઈમાં કમિશનર સમક્ષ નક્કી સમયની અંદર અપીલ દાખલ કરશે. જો કે, સરકારી કંપનીએ કહ્યું કે આ જીએસટી નોટિસ કંપનીની નાણાકીય, ઓપરેશનલ અથવા અન્ય કોઈપણ ગતિવિધી પર કોઈ અસર નહીં કરશે.
ઓક્ટોબર, 2023માં મળી હતી 37 હજાર કરોડ રૂપિયાની નોટિસ
તેના પહેલા ઓક્ટોબર, 2023માં એલઆઈસીને લગભગ 37 હજાર કરોડ રૂપિયાનો જીએસટી ડિમાન્ડ ઓર્ડર મોકલવામાં આવ્યો હતો. સરકારી કંપની પર આરોપ હતો કે તેમણે એસેસમેન્ટ વર્ષ 2019-20 દરમિયાન કેટલાક ઇનવૉઇસ પર 18 ટકાના બદલે 12 ટકાના દરે ટેક્સ ચૂકવ્યો છે. શ્રીનગરના સ્ટેટ ઈનકમ ટેક્સ ઑફિસરે કંપની પર 10462 કરોડ રૂપિયાનો જીએસટી, 20 હજાર કરોડ રૂપિયાનો દંડ અને 6,382 કરોડ રૂપિયાનું વ્યાજ લગાવ્યું હતું.
ઓક્ટોબર અને સપ્ટેમ્બરમાં પણ મળી હતી નોટિસો
એલઆઈસીને આ પહેલા પણ ઓક્ટોબરમાં 84 કરોડ રૂપિયા અને સપ્ટેમ્બરમાં 290 કરોડ રૂપિયાની ઈન્કમ ટેક્સ પેનલ્ટી નોટિસ મોકલવામાં આવી હતી. સોમવારે એલઆઈસીના શેર બીએસઈ પર 3.1 ટકા વધીને 858.35 રૂપિયા પર બંધ થયો હતો.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.