બજેટ સમયે બ્રોડર માર્કેટ ઉપરના શિખર પર જોવા મળશે-દીપક જસાણી

દીપક જસાણીનું કહેવુ છે કે હાલમાં બજાર કંસોલિડેશન યથાવત્ રહે તેવું અનુમાન છે. મોટી તેજી માટેના સંકેતનો હાલ અભાવ વર્તાઈ રહ્યો છે. FIIs અને MFsની ખરીદદારી જોઈએ એવી નથી આવી. પરિણામની સિઝનના મધ્યે નિફ્ટીમાં તેજી આવી શકે છે. આ બજેટમાં સરકારનું વિઝન સ્પષ્ટ થશે.

દીપક જસાણીના મતે બજેટ સમયે બ્રોડર માર્કેટ ઉપરના શિખર પર જોવા મળશે. ભારત જેવા દેશમાં ઈન્ફ્રાની જરૂરિયાત રહેવાની છે. ઈન્ફ્રા પર સરકારનો ખર્ચ યથાવત્ રહેવો જોવા મળશે. મેટલમાં ઘટાડે અમે ખરીદી કરી રહ્યા છીએ. ઈન્ફ્રા ખર્ચનો ફાયદો સિમેન્ટ સેક્ટરને ઘણો ફાયદો થશે.

દીપક જસાણીનું માનવું છે કે રિન્યુએબલ સેક્ટરમાં વેલ્યુએશન હાલ ઘણાં ઊંચા છે. OMCsમાં ઘટાડે ખરીદી કરી શકાય છે. PSU સ્ટોક્સમાં અમે વધારે બુલિશ છીએ. રિયલ એસ્ટેટમાં પણ ઘટાડે ખરીદી કરી શકાય છે. ટુ વ્લીહરમાં ભાવ હાલ વધારે પણ નજર રાખતા રહેવું.

દીપક જસાણીના મુજબ CVમાં બજેટ બાદ જ રોકાણ કરવું જોઈએ. ચીનમાં રિકવરીના કોઈ સંકેત દેખાયા નથી. અત્યાર સુધી ચીને લીધેલા પગલાની અસર 2024 માં દેખાશે. આવા સમયે ચીનમાં રોકાણ વધી શકે છે. 2024 ના સેકન્ડ હાફમાં લિક્વિડિટી વધી શકે છે.