Supreme Court: PM મોદી વિરુદ્ધ ટિપ્પણી કેસમાં કોંગ્રેસ નેતા પવન ખેડા ફસાયા, હાઈકોર્ટ બાદ SCથી પણ ઝટકો

Supreme Court: કોંગ્રેસના નેતા પવન ખેડાને સુપ્રીમ કોર્ટ તરફથી મોટો ઝટકો લાગ્યો છે. વડા પ્રધાન નરેન્દ્ર મોદી વિરુદ્ધ તેમની ટિપ્પણીના કેસમાં ખેડા વિરુદ્ધ નોંધાયેલી FIR અને ફોજદારી કાર્યવાહીને સુપ્રીમ કોર્ટે રદ કરવાનો ઇનકાર કર્યો છે. તમને જણાવી દઈએ કે, ગુરુવારે અલાહાબાદ હાઈકોર્ટના આદેશ વિરુદ્ધ કોર્ટમાં સુનાવણી ચાલી રહી હતી. સુપ્રીમ કોર્ટના આ નિર્ણય બાદ હવે કોંગ્રેસ નેતા પવન ખેડાને ટ્રાયલનો સામનો કરવો પડશે.

જસ્ટિસ બી આર ગવઈ અને સંદીપ મહેતાની બેન્ચે કહ્યું કે તે હાઈકોર્ટના આદેશમાં દખલ કરવા ઈચ્છુક નથી.

અગાઉ, અલ્હાબાદ હાઈકોર્ટે ફોજદારી કેસને રદ કરવાની ખેડાની અરજીને ફગાવી દીધી હતી. જસ્ટિસ બીઆર ગવઈ અને જસ્ટિસ સંદીપ મહેતાની બેન્ચે ખેડાની અરજી પર સુનાવણી કરી હતી. અગાઉ આ સુનાવણી 13 ઓક્ટોબરે થવાની હતી. વાસ્તવમાં પવન ખેડાએ અલ્હાબાદ હાઈકોર્ટના નિર્ણયને સુપ્રીમ કોર્ટમાં પડકાર્યો હતો. અલ્હાબાદ હાઈકોર્ટે પવન ખેડા વિરુદ્ધ નોંધાયેલ FIR રદ કરવાનો ઈન્કાર કરી દીધો હતો. PM મોદી પર વાંધાજનક ટિપ્પણી કરવા બદલ પવન ખેડા વિરુદ્ધ હઝરતગંજ પોલીસ સ્ટેશનમાં કેસ નોંધવામાં આવ્યો હતો. પવન ખેડાએ 17 ફેબ્રુઆરી 2023ના રોજ મુંબઈમાં પ્રેસ કોન્ફરન્સ દરમિયાન વાંધાજનક ટિપ્પણી કરી હતી.

આસામ અને યુપીમાં FIR