Lok Sabha Election 2024: પૂર્વ ડેપ્યુટી CM નીતિન પટેલે મહેસાણાથી ઉમેદવારી ખેંચી પાછી, કહ્યું પહેલી લિસ્ટમાં આ બેઠક જાહેર ના થઈ તેનું દુઃખ

Lok Sabha Election 2024: ભોજપુરી ગાયક અને અભિનેતા પવન સિંહે પશ્ચિમ બંગાળની આસનસોલ લોકસભા સીટ પરથી ચૂંટણી લડવાનો ઇનકાર કર્યા બાદ ગુજરાતના પૂર્વ ડેપ્યુટી સીએમ નીતિન પટેલે પોતાની ઉમેદવારી પાછી ખેંચી લીધી છે. નીતિન પટેલે સોશિયલ મીડિયા દ્વારા પોતાનો દાવો પાછો ખેંચવાની જાહેરાત કરી છે.

નીતિન પટેલ ગુજરાતના મોટા નેતા છે. તેમને ગુજરાતના ચાર મુખ્યમંત્રીઓ સાથે કામ કરવાનો અનુભવ છે. નીતિન પટેલે મહેસાણા બેઠક પરથી પોતાની દાવેદારી પાછી ખેંચી લીધી છે. ભાજપે શનિવારે રાજ્યની 15 બેઠકો માટે ઉમેદવારોના નામની જાહેરાત કરી હતી. મહેસાણા લોકસભા બેઠક માટે ભાજપે હજુ સુધી તેના ઉમેદવારનું નામ નક્કી કર્યું નથી.

નીતિન પટેલે શું કહ્યું?

નીતિન પટેલે પોતાની સોશિયલ મીડિયા પોસ્ટમાં લખ્યું- કેટલાક કારણોસર મેં મહેસાણા લોકસભા બેઠક માટે ભાજપના ઉમેદવાર તરીકે ઉમેદવારી નોંધાવી હતી. રાજ્યની 15 લોકસભા બેઠકો માટેના ઉમેદવારોની જાહેરાત થઈ ગઈ છે અને મહેસાણા લોકસભાના ઉમેદવારની પસંદગી પ્રક્રિયા હજુ ચાલી રહી છે. તે પહેલા હું ભાજપના ઉમેદવાર તરીકેની મારી ઉમેદવારી પાછી ખેંચી લઉં છું.