Lok Sabha election 2024: ત્રીજી વાર કાશીથી ઉમેદવાર બન્યાં બાદ પીએમ મોદીનું રિએક્શન, કહ્યું ‘કોઈ કસર નહીં છોડું’

2014 માં, હું લોકોના સપના પૂરા કરવા અને ગરીબમાં ગરીબને સશક્ત બનાવવાના સંકલ્પ સાથે કાશી ગયો હતો. છેલ્લા 10 વર્ષોમાં, અમે કાશીને કાયાકલ્પ કરવા માટે વિવિધ ક્ષેત્રોમાં ઝડપી પ્રગતિ કરી છે. વિકાસ માટેના આ સર્વાંગી પ્રયાસમાં હું કોઈ કસર છોડીશ નહીં. કાશીના મારા ભાઈ-બહેનોએ મને જે અપાર પ્રેમ અને આશીર્વાદ આપ્યા છે તેના માટે હું હૃદયપૂર્વક આભાર વ્યક્ત કરું છું.

પીએમ મોદીએ પહેલીવાર કહી હતી આ વાત

આપને જણાવી દઈએ કે ભાજપે વડાપ્રધાન નરેન્દ્ર મોદીને સતત ત્રીજી વખત વારાણસી લોકસભા સીટ પરથી પોતાના ઉમેદવાર જાહેર કર્યા છે. ભાજપે અગાઉ 2014 અને પછી 2019ની લોકસભા ચૂંટણીમાં આ બેઠક પરથી પીએમ મોદીને પોતાના ઉમેદવાર જાહેર કર્યા હતા. 2014માં જ્યારે વડાપ્રધાન મોદી બનારસ પહોંચ્યા ત્યારે તેમણે કહ્યું હતું કે ન તો મને કોઈએ મોકલ્યો છે, ન હું અહીં આવ્યો છું, મને માતા ગંગાએ બોલાવ્યો છે.

વારાણસી હાઈ-પ્રોફાઈલ અને VVIP સીટ

ઉત્તર પ્રદેશની 80 લોકસભા સીટોમાં વારાણસી સીટ સૌથી હાઈ-પ્રોફાઈલ અને VVIP સીટ છે. વડાપ્રધાને અહીંથી ચૂંટણી લડી ત્યારથી બનારસ માત્ર વારાણસીનું જ નહીં પણ નજીકની ઘણી સીટોનું કેન્દ્ર બની ગયું છે. પીએમ મોદી અહીં સતત બે વખત સાંસદ તરીકે ચૂંટાઈ રહ્યા છે. આ વખતે ફરી વાર ભાજપે પીએમ મોદીને વારાણસીથી પોતાના ઉમેદવાર બનાવ્યા છે. અહીંની લોકસભાની ચૂંટણી દર વખતે ચર્ચાનો વિષય બની છે. 2004માં ભાજપનો ગઢ ગણાતી આ બેઠક જીતીને કોંગ્રેસને મોટો ઝટકો આપ્યો હતો.

આ પછી 2009ની લોકસભા ચૂંટણીમાં મુરલી મનોહર જોશીને અહીં મોકલવામાં આવ્યા હતા. જોશીએ માફિયા મુખ્તાર અંસારીને હરાવીને આ ચૂંટણી જીતી હતી. આ પછી 2014માં પીએમ મોદીની સાથે દિલ્હીના સીએમ અરવિંદ કેજરીવાલ પણ અહીંથી ચૂંટણી લડ્યા હતા. 2019માં પીએમ મોદીએ ફરી આ સીટ પર એકતરફી હરીફાઈમાં જીત મેળવી હતી.

વારાણસી લોકસભા ચૂંટણી 2014 ના ચૂંટણી પરિણામો

વારાણસી લોકસભા ચૂંટણી 2019 ચૂંટણી પરિણામો

આ પણ વાંચો - Lok Sabha Elections 2024: ભાજપે ગુજરાતથી 15 ઉમેદવારો કરી દીધા છે જાહેર, જાણો કોણ રિપીટ કોણ કપાયું..?