Ertiga, Innova જેવા તમામ મોટા વ્હીકલમાં લાગ્યું ઈન્ફ્લેશન બટન, જાણો કેટલી વધી કિંમતો

MUV/SUV/XUV Price: ભારતમાં 7 સીટર કારની માંગ વધી રહી છે. પરંતુ હવે દેશમાં મોટી કાર ખરીદનારા કસ્ટમર્સને કેન્દ્ર સરકાર તરફથી મોટો ફટકો પડ્યો છે. કેન્દ્રીય નાણાં પ્રધાન નિર્મળા સીતારમણે GST કાઉન્સિલની બેઠકમાં મલ્ટી પર્પઝ કાર્સ (Multi Purpose Cars - MUV) (MUV) પર 22 ટકા કંપનસેશન સેસ લગાવવાના પ્રસ્તાવને મંજૂરી આપી દીધી છે. અગાઉ તે 20 ટકા હતો. આ પછી હવે દેશભરમાં મોટા વ્હીકલના ભાવ મોંઘા થઈ શકે છે. જણાવી દઈએ કે આ સેસ 28 ટકા GST ઉપરાંત લગાવવામાં આવ્યો છે. એટલે કે 22% સેસની સાથે 28% GST ચૂકવવો પડશે.

સરકારના આ નિર્ણયથી મોટા વ્હીકલ મોંઘા થશે. આવી સ્થિતિમાં, જો તમે હવે SUV/MUV/XUV કેટેગરીના વ્હીકલ ખરીદો છો, તો તમારે વધુ પૈસા ચૂકવવા પડશે. સરકારના આ નિર્ણયથી મારુતિ સુઝુકી ઈન્વિક્ટો, ટોયોટા Innova, મારુતિ Ertiga, કિયા કેરેન્સ જેવી તમામ કાર મોંઘી થઈ જશે. જોકે, સેડાન કારને આ લિસ્ટથી દૂર રાખવામાં આવી છે. સેડાન કાર પર માત્ર 20 ટકા સેસ છે.

આ કારોની કિંમતમાં વધારો

કાઉન્સિલની બેઠકમાં નક્કી કરવામાં આવ્યું હતું કે જે કારની લંબાઈ 4 મીટરથી વધુ છે. જેમાં 1500 સીસીથી વધુની ક્ષમતાના એન્જિનનો ઉપયોગ કરવામાં આવ્યો છે. જેનું ગ્રાઉન્ડ ક્લિયરન્સ 170 મીમીથી વધુ છે. આવી કાર પર 22 ટકા કંપનસેશન સેસ લાગશે. જોકે, સેડાન કાર આમાં સામેલ નથી. સમજો કે GST કાઉન્સિલની ફિટમેન્ટ કમિટીએ ભલામણ કરી હતી કે તમામ પ્રકારના મલ્ટી યુટિલિટી વ્હીકલ, પછી તે SUV હોય કે XUV. તેમના પર 22 ટકા સેસ લાદવામાં આવશે. જીએસટી કાયદામાં સુધારા બાદ આ ફેરફારો અમલમાં આવશે.