Buying house is more expensive: અમદાવાદીઓ માટે ઘર ખરીદવાને લઇ એક માઠા સમાચાર સામે આવ્યા છે. હવે જો કોઈને નવુ મકાન ખરીદવુ હશે તો વધુ કિંમત ચુકવવી પડશે. અમદાવાદ મ્યુનિસિપલ કોર્પોરેશને ફરી એક મહત્ત્વપૂર્ણ અને બોજાદાયક નિર્ણય લીધો છે. શહેરમાં નવાં બાંધકામોને લગતી ફીમાં વધારો ઝીંક્યો છે. AMC દ્વારા હાલ એક નવો જ પરિપત્ર જાહેર કરવામાં આવ્યો છે. જે મુજબ ચણતર ફી, ટ્રી પ્લાન્ટેશન ડિપોઝીટમાં વધારો કરાયો છે તેમજ બિલ્ડીંગ રિમૂવલ મટીરીયલ ચાર્જમાં પણ વધારો કરાયો છે.
Buying house is more expensive: અમદાવાદમાં હવે ઘર ખરીદવું વધુ થયું મોંઘું, કોર્પોરેશને નવા બાંધકામોને લગતી ફીમાં કર્યો વધારો
Buying house is more expensive: અમદાવાદમાં પ્રોપર્ટીના ભાવ દિવસેને દિવસે વધી રહ્યા છે. પરંતુ આ મોંઘવારી લોકોને નવુ ઘર ખરીદવામાં નડી રહી છે. કારણ કે, ઘર મોઘું થતા જ પ્રોપર્ટીના વેચાણમાં ઘટાડો આવ્યો છે.
MoneyControl Newsઅપડેટેડ Aug 10, 2023 પર 11:25 AM
AMC દ્વારા નવો પરિપત્ર જાહેર
AMC દ્વારા પરિપત્ર જાહેર કરાયો છે કે BU પરમિશન વખતે પરકોલેટિંગ વેલ ડિપોઝિટ પેટે રૂપિયા 75 હજાર ભરવા પડશે તેમજ પરકોલેટિંગ કાર્યરત છે કે નહીં? એની ચકાસણી બાદ રકમ પરત મળશે. ટ્રી પ્લાન્ટેશન ડીપોઝીટની રકમમાં અઢીથી ત્રણ ગણો વધારો કરાયો છે. ચણતર ફી, બિલ્ડીંગ રિમૂવલ મટીરીયલ ચાર્જમાં 3થી 4 ગણો વધારો કરવામાં આવ્યો છે. ચણતર ફીમાં પણ 2થી 3 ગણો વધારો ઝીંકાયો છે. ચણતર ફી પ્રતિ ચોરસ કિમી રહેણાક રૂપિયા 40 કરાઈ છે તેમજ બિન રહેણાંકમાં રૂપિયા 60 ફી કરવામાં આવી છે. બિલ્ડિંગ મટીરીયલ રીમુવલ ચાર્જ પ્રતિ ચોરસ કિમી રૂપિયા 20 કરાયો જે પહેલા રૂપિયા 10 હતો. પ્રતિ 200 ચોરસ મીટરના મકાનમાં 5 વૃક્ષો વાવવાનો નિયમ પણ કરાયો છે.
કયા વિસ્તારો હોટ ફેવરિટ
એસજી હાઈવે, પ્રહલાદ નગર, બોપલ, થલતેજ, સાયન્સ સિટી હવે અમદાવાદીઓ માટે ઓલ્ડ ફેશન બન્યું છે. તેના કરતા હવે ગોતા, ન્યૂ રાણીપ, ચાંદખેડા, મોટેરા, ત્રાગડ જેવા વિસ્તારો અમદાવાદની પહેલી પસંદ બની રહ્યાં છે. એટલે એક સમયે પશ્ચિમ વિસ્તારોની બોલબાલા હતી, પરંતુ હવે લોકોને ઉત્તર અમદાવાદ પસંદ આવી રહ્યું છે. નવુ ઘર ખરીદનારા હવે ન્યૂ રાણીપ, ચાંદખેડા, મોટેરા, ત્રાગડ, વૈષ્ણવદેવી આસપાસ ઘર લેવાનું વધુ પસંદ કરે છે. રિપોર્ટના આંકડા અનુસાર, ઉત્તર અમદાવાદમાં મકાનોનું વેચાણ 29 ટકાથી વધીને 33 ટકા થયું છે. તો પશ્ચિમ અમદાવાદમાં વેચાણ 26 ટકા પર સ્થિર થઈ ગયું છે.
રિયલ એસ્ટેટ માર્કેટમાં હૈદરાબાદ બાદ અમદાવાદમાં સૌથી વધુ પ્રોપર્ટીના ભાવ છે. શહેરમાં માત્ર 6 મહિનાના ટૂંકા ગાળામાં જ ઘર 4 ટકા મોંઘા બન્યા છે. જોકે, માર્કેટ પર તેની વિપરીત અસર જોવા મળી રહી છે. પરંતુ બીજી હકીકત એ પણ છે કે અમદાવાદમાં ઘર ખરીદવા મામલે લોકોનો શોખ હવે હાઈફાઈ બની રહ્યો છે. અમદાવાદીઓ મોંઘા ઘર ખરીદવાનું પસંદ કરી રહ્યાં છે. એક રિપોર્ટ અનુસાર, અમદાવાદમાં 1 કરોડથી વધુની કિંમતના ઘરના વેચાણમા વધારો થઈ રહ્યો છે. એટલે કે અમદાવાદીઓને હવે મોંઘા ઘર પસંદ આવી રહ્યાં છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.