Deepfake Video Detector: ડીપફેક સામે સરકારની મોટી તૈયારી, લોકસભા ચૂંટણી પહેલા તમામ પોલીસ સ્ટેશનમાં લગાવાશે ખાસ ટૂલ

Deepfake Video Detector: ડીપફેક વિશ્વભરમાં એક મોટો પડકાર બની રહ્યો છે. તેનો ઉપયોગ ખોટી માહિતી ફેલાવવા અથવા કોઈને બદનામ કરવા માટે થઈ શકે છે. આવી સ્થિતિમાં ચૂંટણીમાં તેનો ઉપયોગ થવાનો ભય છે. આ માટે સરકારે તૈયારીઓ શરૂ કરી દીધી છે. જો સૂત્રોનું માનીએ તો, સરકાર 2024ની લોકસભા ચૂંટણી પહેલા ડીપ ફેક ડિટેક્શન નિષ્ણાતોની ટીમ તૈનાત કરશે.

ગૃહ મંત્રાલયની સાયબર વિંગ ડિપાર્ટમેન્ટ ટૂંક સમયમાં ડીપફેક ડિટેક્શન ટૂલ લઈને આવી રહ્યું છે. સૂત્રોના જણાવ્યા અનુસાર, મોટા પાયે કામ ચાલી રહ્યું છે, જેમાં BPRD (બ્યુરો ઑફ પોલીસ રિસર્ચ એન્ડ ડેવલપમેન્ટ) અને MHAના I4C (ભારતીય સાયબર ક્રાઈમ કોઓર્ડિનેશન સેન્ટર) વિભાગ સંશોધન કરી રહ્યા છે અને ડીપફેક ડિટેક્શન ટૂલ બનાવી રહ્યા છે.

મંત્રાલયના સૂત્રો પાસેથી મળેલી માહિતી અનુસાર, આ ડિટેક્શન ટૂલ દેશભરના દરેક સાયબર પોલીસ સ્ટેશનમાં પોલીસને સોંપવામાં આવશે.

તેના આધારે, તે ડીપફેક વીડિયોને શોધવામાં મદદ કરશે.