Delhi Farmer Protest: ખેડૂતોની દિલ્હી કૂચને લઈને મોટા સમાચાર, સ્થગિત કર્યો પ્લાન

Delhi Farmer Protest: ખેડૂતોની દિલ્હી કૂચને લઈને મોટા સમાચાર સામે આવી રહ્યા છે. હકીકતમાં પંજાબના ખેડૂતોએ દિલ્હી તરફ કૂચ કરવાની યોજના બે દિવસ માટે સ્થગિત કરી દીધી છે. હરિયાણાની ખનૌરી બોર્ડર પર પોલીસ અને ખેડૂતો વચ્ચેની અથડામણ બાદ તંગ વાતાવરણને ધ્યાનમાં રાખીને આ નિર્ણય લેવામાં આવ્યો છે.

ખેડૂત આગેવાન સરવન પંઢેરે કહ્યું કે અમે આગામી 2 દિવસ માટે રણનીતિ બનાવીશું. પંઢેરે પોલીસ ફાયરિંગના ફોટા જાહેર કર્યો છે અને કહ્યું છે કે બલોહ જિલ્લા ભટિંડા ગામનો શુભકરણ સિંહ (23) ગોળીની ઈજાને કારણે મૃત્યુ પામ્યો છે. તે જ સમયે, ખનૌરી-દાતાસિંઘવાલા બોર્ડર પર ખેડૂતો દ્વારા સફેદ ધ્વજ લહેરાવવામાં આવ્યો હતો, તેના જવાબમાં વહીવટીતંત્રે પણ સફેદ ધ્વજ લહેરાવ્યો હતો. હાલમાં બંને તરફથી શાંતિ છે.

આપને જણાવી દઈએ કે પંજાબ-હરિયાણાના શંભુ અને ખનૌરી બોર્ડર પર ખેડૂતોના આંદોલનનો આજે 10મો દિવસ છે. હરિયાણા પોલીસના જણાવ્યા અનુસાર, પ્રદર્શનકારીઓએ દાતા સિંહ-ખનોરી બોર્ડર પર મરચાંનો પાવડર પરાળીમાં નાંખી અને તેને આગ લગાવી દીધી. ઝેરી ધુમાડાને કારણે શ્વાસ લેવામાં તકલીફ પડી હતી અને દૃશ્યતા ઘટી ગઈ હતી. આ સાથે પ્રદર્શનકારીઓએ પોલીસકર્મીઓ પર લાકડીઓ અને ધોકાનો ઉપયોગ કરીને પથ્થરમારો કર્યો હતો. જેમાં 12 જેટલા પોલીસકર્મીઓ ગંભીર રીતે ઘાયલ થયા હતા. પોલીસે પ્રદર્શનકારીઓને શાંતિ જાળવવાની અપીલ કરી છે.

આ પણ વાંચો - Lok Sabha Election: ભાજપની ચાલથી ખતરામાં ડિમ્પલ યાદવની સીટ, અખિલેશના ખૂબ નજીકના વ્યક્તિએ જ આપ્યો ઝટકો