Imran Khan sentencing updates: બે દિવસમાં બીજો ઝટકો, હવે ઇમરાન ખાન અને તેની પત્ની બુશરા બીબીને થશે 14 વર્ષની જેલ

Imran Khan sentencing updates: પાકિસ્તાનના પૂર્વ વડાપ્રધાન ઈમરાન ખાનને બે દિવસમાં બીજો મોટો આંચકો લાગ્યો છે. તોશાખાના કેસમાં એક જવાબદેહી કોર્ટે ઈમરાન ખાન અને તેની પત્ની બુશરા બીબીને 14 વર્ષની જેલની સજા સંભળાવી છે. આ સાથે જ કોર્ટે બંનેને 10 વર્ષ સુધી કોઈપણ જાહેર પદ પર પુનઃસ્થાપિત કરવા પર રોક લગાવી છે. કોર્ટે તેમના પર 78.7 કરોડ રૂપિયાનો સામૂહિક દંડ પણ લગાવ્યો છે. બુશરા બીબી આજે કોર્ટમાં હાજર રહી ન હતી.

કોર્ટનો આ નિર્ણય એવા સમયે આવ્યો છે જ્યારે પાકિસ્તાનમાં આઠ દિવસ પછી એટલે કે 8મી ફેબ્રુઆરીએ સામાન્ય ચૂંટણી યોજાવા જઈ રહી છે. ચૂંટણી પંચની કડકાઈ વચ્ચે ઈમરાન ખાનની પાર્ટી પાકિસ્તાન તહરીક-એ-ઈન્સાફ કોઈપણ ચૂંટણી ચિન્હ વિના ચૂંટણી લડી રહી છે.

આરોપ છે કે જ્યારે ઈમરાન ખાને વડાપ્રધાન તરીકે યૂરોપ સહિતના આરબ દેશોની મુલાકાત લીધી હતી ત્યારે ત્યાંના રાષ્ટ્રાધ્યક્ષોએ તેમને મોંઘીદાટ ભેટો આપી હતી, જે ઈમરાને તોશાખાનામાં જમા કરાવી હતી પરંતુ બાદમાં તેણે તે ભેટોને સસ્તા ભાવે ખરીદીને વેચી દીધી હતી.

આ પણ વાંચો - Gyanvapi Case: જ્ઞાનવાપી કેસ મુદ્દે આવ્યો મહત્વપૂર્ણ ચુકાદો, હવે કરી કરાશે ભગવાન શંકરની પૂજા, જાણો વ્યાસપીઠનો વિવાદ