Russia Ukraine War : રશિયાએ રોબોટ ટર્ટલનો ઉપયોગ કરીને યુદ્ધના મેદાનમાં પહોંચાડ્યો દારૂગોળો, બન્યો વિશ્વનો પહેલો દેશ

Russia Ukraine War : રશિયાએ વિશ્વમાં પ્રથમ વખત યુદ્ધના મેદાનમાં દારૂગોળો પહોંચાડવા માટે રોબોટિક 'ટર્ટલ'નો ઉપયોગ કરવાનો દાવો કર્યો છે. રશિયાનો દાવો છે કે તે રોબોટ દ્વારા યુદ્ધ ક્ષેત્રમાં હથિયારો પહોંચાડનાર પ્રથમ દેશ બની ગયો છે. રશિયા સ્થિત રોબોટ ડેવલપર કંપની આર્ગોના સીઈઓ કોન્સ્ટેન્ટિન બગડાસારોવે રશિયન રાજ્ય મીડિયા એજન્સી આરઆઈએ નોવોસ્ટીને જણાવ્યું હતું કે લુહાન્સ્ક પીપલ્સ રિપબ્લિકમાં "ટર્ટલ"નો ઉપયોગ કરવામાં આવ્યો હતો, જે 2022માં આક્રમણ શરૂ થયું ત્યારથી યુદ્ધ ક્ષેત્ર છે. આ રોબોટિક ટર્ટલ પાંચ કિલોમીટરના અંતર સુધી 500 કિલોનો ભાર સંભાળી શકે છે.

લુહાન્સ્કમાં કામ કરતો રોબોટ ટર્ટલ

રોબોટ ડેવલપર કંપનીના સીઈઓએ કહ્યું કે ટર્ટલ રોબોટનો પ્રોટોટાઈપ હવે લુહાન્સ્ક પીપલ્સ રિપબ્લિકમાં રશિયન સૈન્ય એકમ સાથે ફ્રન્ટ લાઇન પર કામ કરી રહ્યો છે. તેનું મુખ્ય કાર્ય દારૂગોળો અને ફૂડ પહોંચાડવાનું છે. ખાસ કરીને, રોબોટ મોર્ટાર ક્રૂને શેલ પહોંચાડે છે. રશિયન આર્મી આ રોબોટ ટર્ટલના કામથી સંતુષ્ટ છે. તે ગરમી ઉત્પન્ન ન કરવાને કારણે, દુશ્મનના વોર્મ શોધતા રડાર પણ તેને શોધી શકતા નથી.

તેની ધીમી ગતિને કારણે તેને 'ટર્ટલ' નામ મળ્યું