કોમોડિટી લાઇવ: ક્રૂડની તેજી પર લાગી બ્રેક, સોના-ચાંદીની ચમકમાં ઘટાડો

ગત સપ્તાહની સારી તેજી બાદ આજે સોનાની કિંમતો પર દબાણ બન્યું, જ્યાં comex પર સોનું 2036 ડૉલરની પાસે પહોંચ્યું, તો સ્થાનિક બજારમાં પણ કિંમતો નાની રેન્જમાં રહેતી દેખાઈ, વાસ્તવમાં USના નોન ફાર્મ પેરોલના આંકડા અનુમાન કરતા મજબૂત રહેતા ડૉલર ઇન્ડેક્સમાં રિકવરી આવી, સાથે જ બજારને હવે ફેડ વ્યાજ દરમાં ઘટાડામાં વિલંબ કરે તેવી આશંકાએ વૈશ્વિક બજારમાં સોનાની કિંમતો ઘટી. બજારની નજર હવે ગુરૂવારે આવનાર USનાં CPIનાં આંકડાઓ પર બનેલી છે.

સોના સાથે ચાંદીમાં પણ નરમાશ આવતા વૈશ્વિક બજારમાં ભાવ 23 ડૉલરની પાસે પહોંચ્યા, તો સ્થાનિક બજારમાં પણ શરૂઆતી કારોબારમાં આશરે અડધા ટકાનો ઘટાડો જોવા મળ્યો હતો.

બેઝ મેટલ્સ તરફથી મિશ્ર સંકેતો યથાવત્ રહ્યાં, જ્યાં ચાઈના તરફથી નબળી માગની આશંકા અને ડૉલર ઇન્ડેક્સમાં રિકવરીની અસર રહેતા LME પર કોપરમાં નરમાશ રહી, સ્થાનિક બજારમાં પણ તમામ મેટલ્સમાં ફ્લેટ કામકાજ જોવા મળ્યું, બજારની નજર આ સપ્તાહે જાહેર થનાર ચાઈનાના CPI અને PPIનાં આંકડાઓ પર બનેલી છે.

સાઉદીએ એશિયા માટે એક્સપોર્ટની કિંમતો ઘટાડતા એશિયન બજારમાં ઓઈલની કિંમતોમાં ઘટાડો જોવા મળ્યો, જોકે મિડલ ઇસ્ટમાં ચાલી રહેલા તણાવના કારણે સપ્લાયની ચિંતાએ કિંમતોને સપોર્ટ મળી રહ્યો છે. આ સાથે જ અનુમાન કરતા મજબૂત US નોન ફાર્મ પેરોલનાં આંકડાઓની અસર પણ ક્રૂડ પર દેખાઈ રહી છે..તેમ છતા આજે બ્રેન્ટના ભાવ 78 ડૉલરની નીચે આવ્યા, તો NYMEX ક્રૂડમાં પણ આશરે એક ટકા જેટલી નરમાશ જોવા મળી હી છે.