US CPIનાં આંકડા પહેલા સોનામાં ફ્લેટ કારોબાર જોવા મળ્યો, અહીં COMEX પર 1922 ડૉલરના સ્તરની પાસે કિંમતો પહોંચી, તો સ્થાનિક બજારમાં 58,970ના સ્તરની આસપાસ કારોબાર જોવા મળી રહ્યો છે. ઉલ્લેખનિય છે કે આવતીકાલે US CPIનાં આંકડા રજૂ થશે, જે અગાવ સોનામાં પોઝિટીવ મૂવમેન્ટમ જોવા મળી રહી છે.
કોમોડિટી લાઈવ: ઇન્વેન્ટરીના આંકડા પહેલા ક્રૂડ સ્થિર, US મોંઘવારીના આંકડા પહેલા સોનામાં તેજી
બજારની નજર આજે જાહેર થનાર IIP-CPIનાં આંકડા પર રહેશે, CPI ફુગાવો RBIના લક્ષ્ય કરતા ઉપર, 7.08 ટકા પર રહેવાનો અંદાજ, તો જુલાઈમાં IIP 5.2 ટકાના દરે વધવાનો અંદાજ
MoneyControl Newsઅપડેટેડ Sep 12, 2023 પર 3:05 PM
સોનાને પગલે ચાંદીમાં પણ રિકવરી જોવા મળી, જ્યાં વૈશ્વિક બજારમાં કિંમતો આશરે પા ટકાથી વધારે વધતા 23 ડૉલરની ઉપર કારોબાર જોવા મળ્યો, સ્થાનિક બજારમાં પણ 72,190ના સ્તરની આસપાસ કિંમતો પહોંચતી દેખાઈ રહી છે.
ડૉલર ઇન્ડેક્સમાં ઉપલા સ્તરેથી ઘટાડો આવતા મેટલ્સની કિંમતોને સપોર્ટ મળતો દેખાયો, ઓછા સ્ટોક અને ચાઈના તરફથી માગ વધવાની આશાએ એલ્યુમિનિયમની કિંમતોમાં રિકવરી જોવા મળી, તો કોપરમાં 3 સપ્તાહના નીચલા સ્તરેથી મજબૂતી સાથેનો કારોબાર થઈ રહ્યો છે. બજારની નજર હવે ચાઈનાના રિટેલ વેચાણ અને ફેક્ટરી એક્ટિવિટીના આંકડાઓ પર બનેલી છે.
કોપરમાં કારોબાર
3 સપ્તાહના નીચલા સ્તરેથી કિંમતોમાં રિકવરી જોવા મળી. ચાઈનાના રિટેલ વેચાણ અને ફેક્ટરી એક્ટિવિટીના આંકડા પર ફોકસ રહેશે.
ઝિંકમાં કારોબાર
કિંમતો વધીને 3 સપ્તાહના ઉપલા સ્તરે પહોંચી. જુલાઈમાં ચાઈનાનો રિફાઇન્ડ ઇમ્પોર્ટ 76,800 ટનથી વધ્યો. એપ્રિલ 2019 બાદ ચાઈનાનો ઝિંકનો રિફાઈન્ડ ઇમ્પોર્ટ સૌથી વધારે છે. LME પર ઝિંકની ઇન્વેન્ટરી 1,45,175 ટન છે.
OPECના માસિક રિપોર્ટ પહેલા ક્રૂડમાં નીચલા સ્તરેથી કિંમતો ફરી વધી હતી, જ્યાં બ્રેન્ટમાં 90 ડૉલરની ઉપર કારોબાર યથાવત્ છે, તો NYMEX ક્રૂડમાં પણ અડધા ટકાની તેજી સાથે 87 ડૉલરની ઉપર કામકાજ જોવા મળ્યું, સાથે જ સ્થાનિક બજારમાં પણ પોઝિટીવિટી દેખાઈ રહી છે..સાઉદી અરબ અને રશિયા તરફથી ડિસેમ્બર સુધી ઉત્પાદન કાપના નિર્ણય બાદ ઓઈલ ઉત્પાદકો માટે ક્રૂડના સેન્ટીમેન્ટ બુલિશ બની રહ્યા છે.
ક્રૂડ ઓઈલમાં કારોબાર
કિંમતો વધીને 10 મહિનાના ઉપલા સ્તરની પાસે પહોંચી. ડિસેમ્બરના અંત સુધી સાઉદી અને રશિયા 1.3mbpdનો ઉત્પાદન કાપ કરશે. US મોંઘવારીના આંકડા પહેલા ડૉલર ઇન્ડેક્સ 6 મહિનાના ઉપલા સ્તરે છે. આજે OPECના માસિક રિપોર્ટ પર બજારની નજર રહેશે. બુધવારે IEA રિપોર્ટ રજૂ કરશે.
સ્થાનિક બજારમાં નેચરલ ગેસમાં ફ્લેટ ટૂ પોઝિટીવ કારોબાર સાથે 217ના સ્તરની આસપાસ કિંમતો પહોંચતી જોવા મળી રહી છે.
નજર કરીએ એગ્રી કૉમોડિટીના કારોબાર પર તો, મસલા પેકમાં સારી એક્શન, જીરામાં 1 ટકા સુધીનો ઉછાળો, હળદર અને ધાણામાં પણ બની મજબૂતી. તો શરૂઆતી કારોબાર બાદ ગુવાર પેકમાં પણ નીચલા સ્તરેથી રિકવરી, જ્યારે કપાસિયા ખોળમાં પણ અડધા ટકાથી વધુની તેજી જોવા મળી રહી છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.