ડૉલર ઇન્ડેક્સમાં મજબૂતી અને બોન્ડ યીલ્ડમાં ઉછાળાના કારણે સોનાની ચમક ઘટતા કોમેક્સ પર ભાવ 1920 ડૉલરની પણ નીચે પહોંચ્યા, તો સ્થાનિક બજારમાં 59,051ના સ્તરની આસપાસ કારોબાર જોવા મળી રહ્યો છે.
કમોડિટી લાઇવ: બોન્ડ યીલ્ડમાં મજબૂતીથી સોના-ચાંદીમાં ઘટાડો, ક્રૂડની તેજી યથાવત્, બ્રેન્ટ $91ની નીચે
સ્થાનિક બજારમાં નેચરલ ગેસમાં અડધા ટકાથી વધુના ઘટાડા સાથે 210ના સ્તરની આસપાસ કારોબાર જોવા મળી રહ્યો છે.
MoneyControl Newsઅપડેટેડ Sep 07, 2023 પર 11:50 AM
ચાંદીમાં પણ સોનાને પગલે નાની રેન્જમાં કારોબાર જોવા મળ્યો, અહીં વૈશ્વિક બજારમાં કિંમતો સતત 24 ડૉલરની નીચે યથાવત્ છે, તો સ્થાનિક બજારમાં 72,295ના સ્તરની આસપાસ કારોબાર જોવા મળી રહ્યો છે.
ક્રૂડ ઓઈલમાં વોલેટાઈલ કારોબાર રહ્યો, અહીં ગઈકાલના ઉછાળા બાદ ટેક્નિકલ કરેક્શન આવતા બ્રેન્ટના ભાવ 91 ડૉલરના સ્તરેથી ઘટ્યા, NYMEX ક્રૂડમાં પણ ફ્લેટ ટૂ નેગેટીવ કામકાજ થઈ રહ્યું છે. ઉલ્લેખનિય છે કે સાઉદી અરબ અને રશિયા ઉત્પાદન કાપ હવે ડિસેમ્બર સુધી યથાવત્ રાખશે, જેને કારણે બજારમાં ઓછી સપ્લાયનો ડર બની રહ્યો છે, આ સાથે જ APIનાં આંકડા મુજ USમાં ક્રૂડની ઇન્વેન્ટરી 5.5 મિલિયન બેરલથી ઘટી છે, જેની અસર પણ ક્રૂડની કિંમતો પર દેખાઈ રહી છે.
સ્થાનિક બજારમાં નેચરલ ગેસમાં અડધા ટકાથી વધુના ઘટાડા સાથે 210ના સ્તરની આસપાસ કારોબાર જોવા મળી રહ્યો છે.
યુરોપ તરફથી નબળા માગની ચિંતાએ LME પર આજે કોપર અને એલ્યુમિનિયમમાં નરમાશ જોવા મળી, ડૉલર ઇન્ડેક્સમાં ઉછાળાની અસર પણ કિંમતો પર દેખાઈ રહી છે. તો સ્થાનિક બજારમાં પણ મેટલ્સ તરફથી મિશ્ર સંકેતો મળી રહ્યા છે.
મસાલા પેકમાં મિશ્ર કારોબાર યથાવત્ પણ હળદરમાં ગઈકાલની તેજી પર રોક લાગતી જોવા મળી તો જીરામાં નીચલા સ્તરેથી રીકવરી આવતી જોવા મળી જ્યારે ધાણામાં વેચવાલીનો માહોલ યથાવત્ છે. સાથે જ ગુવાર પેકમાં પણ નરમાશ યથાવત્ રહી છે. જ્યાં ગુવાર સીડમાં પા ટકા જેટલુ તો ગુવાર ગમમાં મામૂલી નરમાશ છે. તો એરંડામાં ફ્લેટ કારોબાર જોવા મળી રહ્યો છે. સાથે જ કપાસિયા ખોળમાં પણ ફ્લેટ ટૂ પોઝિટીવ કામકાજ થઈ રહ્યું છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.