કોમોડિટી લાઇવ: સોના-ચાંદીમાં આવી નફાવસૂલી, ક્રૂડ ઓઈલમાં તેજી યથાવત

જેરોમ પોવેલના હોકિસ નિવેદન બાદ સોનામાં સુસ્તી સાથેનો કારોબાર જોવા મળ્યો. જ્યાં વૈશ્વિક બજારમાં 2034 ડૉલર આસપાસ કારોબાર જોવા મળ્યો. તો સ્થાનિક બજારમાં 62470 આસપાસ કારોબાર જોવા મળ્યો.

સોનાના પગલે ચાંદીમાં પણ વેચવાલી જોવા મળી. જ્યાં વૈશ્વિક બજારમાં 22 ડૉલર પાસે કારોબાર યથાવત્ જોવા મળી રહ્યો છે તો સ્થાનિક બજારમાં પા ટકાની વેચવાલી જોવા મળી રહી છે.

બેઝ મેટલ્સમાં ઉપરના સ્તરેથી વેચવાલી આવતી જોવા મળી. જ્યાં LME પર કોપરના સેન્ટીમેટ સુધરતા મામૂલી તેજી જોવા મળી જે બાદ ફરી કોપરમાં વેચવાલી જોવા મળી. તો સ્થાનિક બજારમાં તમામ મેટલ્સમાં ફ્લેટ કામકાજ જોવા મળ્યું. ઉલ્લેખનીય છે કે નબળા ડૉલર ઈન્ડેક્સ અને બોન્ડ યીલ્ડના કારણે બેઝ મેટલ્સની કિંમતો પર અસર જોવા મળી રહી છે.

ક્રૂડ ઓઈલમાં તેજી યથાવત્ જોવા મળી રહી છે. જ્યાં નબળા ડૉલર ઈન્ડેક્સને કારણે બ્રેન્ટની કિંમતો 78 ડૉલરને પાર જતી જોવા મળી રહી છે. તો ભૌગોલિક તણાવને લઈ NYMEXની કિંમતોમાં તેજી સાથેનો કારોબાર યથાવત્ જોવા મળી રહ્યો છે. જ્યારે સ્થાનિક બજારમાં ફ્લેટ કારોબાર જોવા મળી રહ્યો છે. તો આ સાથે બજારની નજર હેવ US ડેટા પર પણ રહેશે.