કમોડિટી લાઇવ: સોના-ચાંદીમાં પ્રોફેટ બુકિંગ યથાવત્, ક્રૂડમાં તેજી, બ્રેન્ટ $76ને પાર

US FED ની બેઠક આજથી શરૂ થશે. આ અઠવાડિયે ECB, BoEની બેઠક પણ યોજાશે. આજે અમેરિકાના ફુગાવાના આંકડા આવશે. ડૉલર અને બોન્ડ યીલ્ડમાં ફરી મજબૂતી આવી.

ચાંદીમાં તેજી સાથે કારોબાર જોવા મળી રહ્યો છે. COMEX પર ચાંદી 23 ડૉલર પર યથાવત્ જોવા મળી રહી છે. તો સ્થાનિક બજારમાં કિંમતો અડધા ટકાની તેજી સાથે કારોબાર જોવા મળ્યો.

બેઝ મેટલ્સની વાત કરીએ તો, LME પર તમામ મેટલ્સમાં તેજી સાથે કારોબાર જોવા મળી રહ્યો છે. તો સ્થાનિક બજારમાં પણ મેટલ્સ લીલા નિશાનમાં કારોબાર કરતી જોવા મળી. ઉલ્લેખનીય છે કે કોપરની કિંમતોને ચિનમાં માગ વધવાથી સપોર્ટ મળતો જોવા મળી રહ્યો છે. નવેમ્બરમાં કોપરની આયતા 10.1% વધીને 550,600 ટન થઈ.

ક્રૂડ ઓઈલમાં પણ તેજી સાથે કારોબાર થતો જોવા મળી રહ્યો છે. જ્યાં OPEC+ Q1 24માં સપ્લાય કટને સરભર કરવાની આશંકાએ કિંમતોમાં તેજી જોવા મળી રહી છે. તો બ્રેન્ટની કિંમતો 76 ડૉલરને પાર જતી જોવા મળી તો NYMEXમાં પણ પોણા ટકાની તેજી જોવા મળી.

નેચરલ ગેસના કારોબાર નજર કરીએ તો, US નેચરલ ગેસની કિંમતોમાં રાતોરાત 10%નો ઘટાડો આવતો જોવા મળી રહ્યો છે. તો સ્થાનિક બજારમાં નેચરલ ગેસમાં 1 %ની તેજી જોવા મળી રહી છે.

એગ્રી કૉમોડિટીની વાત કરીએ તો, મસાલા પેકે શરૂઆતી કારોબારના દબાણને તોડ્યું ધાણા અને હળદરના ફરી તેજી આવતી જોવા મળી. જ્યારે જીરામાં વેચવાલી યથાવત્ જોવા મળી રહી છે. તો ગુવાક પેકમાં મામૂલી દબાણ યથાવત્ જોવા મળી રહ્યો છે.