કોમોડિટી લાઇવ: ક્રૂડમાં દબાણ, બ્રેન્ટ $88ની પાસે, સોના-ચાંદી તરફથી મિશ્ર સંકેતો, બેઝ મેટલ્સમાં નીચલા સ્તરેથી રિકવરી

ઓછી સપ્લાય અને માગ ઘટવાની આશંકાએ ક્રૂડમાં સતત ત્રીજા દિવસે ઘટાડો જોવા મળ્યો, જ્યાં બ્રેન્ટમાં 88 ડૉલરની પાસે કિંમતો પહોંચી, તો NYMEX ક્રૂડમાં પણ નાની રેન્જમાં કામકાજ જોવા મળી રહ્યું છે. ઉલ્લેખનિય છે કે US ઇન્વેન્ટરીમાં ઘટાડો અને યુરોપ અને યુરોઝોન તરફથી નબળા PMI આંકડાઓના કારણે ક્રૂડની માગ ઘટવાના અનુમાન બની રહ્યા છે, જેને કારણે ગઈકાલે કિંમતોમાં આશરે 2%નો ઘટાડો નોંધાયો, APIના આંકડા મુજબ US ઇન્વેન્ટરીમાં 2 મિલિયન બેરલથી વધુનો ઘટાડો નોંધાયો, જેની પણ નેગેટીવ અસર કિંમતો પર બની રહી છે.

સ્થાનિક બજારમાં નેચરલ ગેસમાં અડધા ટકા જેટલ તેજી આવતા 246ના સ્તરની આસપાસ કારોબાર જોવા મળી રહ્યો છે.

ડૉલર ઇન્ડેક્સમાં દબાણ અને બોન્ડ યીલ્ડમાં ઘટાડાના કારણે સોનામાં પોઝિટીવ કારોબાર રહ્યો, જ્યાં COMEX પર ભાવ 1973 ડૉલરના સ્તરની ઉપર રહ્યા, તો સ્થાનિક બજારમાં પણ 60,547ના સ્તરની આસપાસ કારોબાર નોંધાયો, બજારની નજર હવે ખાસ ઇઝરાયેલ-હમાસ યુદ્ધ અને USના GDP અને મોંઘવારીના આંકડાઓ પર છે, આ બધાની વચ્ચે નવરાત્રી અને દશેરામાં સોનાનું વેચાણ 20% વધીને 300 બિલિયન રૂપિયા સુધી પહોંચતું દેખાયું, તો સરકારે સોના પરની બેસ ઇમ્પોર્ટ પ્રાઈસ 37 ડૉલર પ્રતિ 10 gmથી વધારી દીધી છે.

શરૂઆતી કારોબારમાં ચાંદીની કિંમતોમાં નરમાશ રહેતા વૈશ્વિક બજારમાં ભાવ 23 ડૉલરની નીચે રહેતા દેખાયા, તો સ્થાનિક બજારમાં પણ રેન્જબાઉન્ડ કામકાજ રહ્યું. સોના કરતા ચાંદીમાં તેજી તરફથી મૂવમેન્ટ ધીમી જોવા મળી.