કમોડિટી લાઇવ: સોના-ચાંદીમાં નીચલા સ્તરેથી રિકવરી, ક્રૂડમાં ઉપલા સ્તરેથી મામુલી દબાણ

ચાઈનાના ઇન્ડસ્ટ્રીય પ્રોડક્શનના આંકડા સુધર્યા હોવા છતા બેઝ મેટલ્સને સપોર્ટ નથી મળી રહ્યો, અહીં સ્થાનિક બજારમાં શરૂઆતી કારોબારમાં મોટાભાગની મેટલ્સમાં નરમાશ જોવા મળી, તો સિઝનલ ડિમાન્ડ પિરીયડમાં કોપરની ઇન્વેન્ટરી વધતા કોપરમાં દબાણ જોવા મળી રહ્યું છે.

કોપરમાં કારોબાર

ફેડની બેઠકના નિર્ણય પહેલા કિંમતો ઘટી. વ્યાજ દર લાંબા સમય સુધી વધારે રહે તેવા અનુમાન છે. ચાઈનાનું કન્સ્ટ્રક્શન સેક્ટરનું પ્રદર્શન સૌથી ખરાબ રહ્યું. યુરોપ અને USના નબળા મેન્યુફેક્ચરિંગના આંકડાઓથી દબાણ બન્યું. સિઝનલ ડિમાન્ડ પિરીયડમાં કોપરની ઇન્વેન્ટરી વધી. ઓગસ્ટમાં ચાઈનાનું રિફાઈન્ડ કોપર ઉત્પાદન રેકોર્ડ સ્તરે રહ્યું. LME પર કોપરની ઇન્વેન્ટરીમાં વધારો છે. શંધાઈ પર સ્ટોક 43,000 ટન પર રહ્યો. બજારની નજર સેન્ટ્રલ બેન્કની બેઠક પર છે.

નજર કરીએ એગ્રી કૉમોડિટીના કારોબાર પર તો, મસાલા પેકમાં આજે ચારેબાજુએથી નરમાશ રહી, ગુવાર પેક તરફથી પણ મિશ્ર સંકેતો મળી રહ્યા છે, જ્યાં ગુવારગમમાં પોઝિટીવિટી છે, પણ ગુવારસીડમાં શરૂઆતી કારોબારમાં આશરે 2 ટકાનું દબાણ બન્યું હતું. જો કે કપાસિયા ખોળમાં ફ્લેટ ટૂ નેગેટીવ કામકાજ થઈ રહ્યું છે.