કોમોડિટી લાઇવ: ક્રૂડમાં રિકવરી, બ્રેન્ટ $85ની પાસે, સોના-ચાંદીમાં રેન્જબાઉન્ડ કારોબાર

ફેડ તરફથી વ્યાજ દર ન વધવાની આશંકા અને સાઉદી અને રશિયા દ્વારા ઉત્પાદન કાપના નિર્ણય પર યથાવત્ રહેવાના સમાચાર બાદ ક્રૂડમાં નીચલા સ્તરેથી સુધારો નોંધાયો, જ્યાં બ્રેન્ટના ભાવ 85 ડૉલરની ઉપર પહોંચ્યા, nymex ક્રૂડમાં પણ આશરે અડધા ટકાથી વધુની તેજી સાથે 81 ડૉલરની પાસે કારોબાર નોંધાયો, ઉલ્લેખનિય છે કે ગત સપ્તાહે ક્રૂડની કિંમતોમાં 6%નો ઘટાડો જોવા મળ્યો હતો.

સ્થાનિક બજારમાં નેચરલ ગેસમાં શરૂઆતી કારોબારમાં દબાણ જોવા મળ્યું, શુક્રવારના 292ના સ્તર સામે નવેમ્બર વાયદો 287.10 રૂપિયા પ્રતિ mmBtu પર ખૂલતો દેખાયો હતો.

USના અનુમાન કરતા નબળા નોન ફાર્મ પેરોલનાં આંકડાઓના કારણે COMEX પર સોનામાં સ્થિર કારોબાર રહ્યો, જ્યાં ભાવ 2000 ડૉલરના સ્તરની પાસે સ્થિર રહ્યા, તો સ્થાનિક બજારમાં 60,800ના સ્તરની આસપાસ કારોબાર જોવા મળી રહ્યો છે. ઉલ્લેખનિય છે કે ઓક્ટોબરમાં સોનાને સેફ હેવન બાઈંગનો સપોર્ટ મળતા કિંમતો આશરે 7% વધતી દેખાઈ, આ સાથે જ સપ્ટેમ્બરમાં RBIનું ગોલ્ડ હોલ્ડિંગ 7.1 ટનથી વધીને 806.7 ટન રહ્યું છે.

ચાંદીમાં પણ રેન્જબાઉન્ડ કારોબાર રહ્યો, જ્યાં વૈશ્વિક બજારમાં ભાવ 23 ડૉલરની પાસે યથાવત્ છે, તો સ્થાનિક બજારમાં મામુલી નરમાશ જોવા મળી રહી છે.