NHAIના જનરલ મેનેજરે લીધી 20 લાખ રૂપિયાની રિશ્વત, CBIએ કરી ધરપકડ

સીબીઆઈએ મહારાષ્ટ્રના નાગપુરમાં 20 લાખ રૂપિયાની રિશ્વતના કેસમાં નેશનલ હાઈવે ઓથૉરિટી ઑફ ઈન્ડિયા (NHAI)ના એક જનરલ મેનેજરની ધરપકડ કરી છે. સમાચાર એજન્સી પીટીઆઈના રિપોર્ટ મુજબ અધિકારીઓએ જણાવ્યું કે અરવિંદ કાલે, જે એક પ્રોજેક્ટ ડાયરેક્ટર પણ છે, તેણે કથિત રીતે એક પ્રાઈવેટ કંપની પાસેથી રિશ્વત લીધી હતી. અધિકારીઓએ જણાવ્યું હતું કે સેન્ટ્રલ બ્યુરો ઑફ ઇન્વેસ્ટિગેશન (CBI) એ કાલેની ધરપકડ પછી સર્ચ ઓપરેશન દરમિયાન 20 લાખ રૂપિયાની રિશ્વત સહિત 45 લાખ રૂપિયા રોકડા રિકવર કર્યા છે.

તેમણે કહ્યું કે કાલે અને પ્રાઈવેટ કંપની સહિત 11 અન્ય લોકો સામે કેસ નોંધવામાં આવ્યો છે. કહેવાય છે કે પેન્ડિંગ બિલોને મંજૂર આપવા માટે અરવિંદ કાલેએ 20 લાખ રૂપિયાની રિશ્વત માંગી હતી. સીબીઆઈ ભોપાલ અને નાગપુરમાં પાંચ સ્થળો પર સર્ચ કરી રહી છે.

બીજી મોટી ધરપકડ

હાલના મહિનાઓમાં આ બીજી સૌથી મોટી ધરપકડ છે. ગયા વર્ષે જુલાઈમાં, સીબીઆઈએ રિશ્વત કેસમાં રેલવેના એક ડેપ્યુટી ચીફ એન્જિનિયર, NHAIના ડેપ્યુટી જનરલ મેનેજર અને અન્ય લોકોની ધરપકડ કરી હતી. એક અન્ય કેસમાં, સીબીઆઈએ મધ્ય પ્રદેશમાં રોડ ઈન્ફ્રા પ્રોજેક્ટ સાથે એક પ્રાઈવેટ ફર્મથી સંકળાયેલી કંપની પાસેથી રિશ્વત માંગવાનો આરોપમાં ભોપાલના હબીબગંજમાં તૈનાત વેસ્ટ સેન્ટ્રલ રેલવેના ડેપ્યુટી ચીફ એન્જિનિયર અને કટનીમાં તૈનાત ડીજીએમ NHAIની ધરપકડ કરી હતી.