7th Pay Commission: માર્ચમાં સરકારી કર્મચારીઓને મળશે ગુડ ન્યૂઝ!

7th Pay Commission: કેન્દ્ર સરકારના કર્મચારીઓ માટે સારા સમાચાર છે. કેન્દ્ર સરકાર માર્ચમાં 4 ટકા ડીએ વધારવાની જાહેરાત કરી શકે છે. 4 ટકાના વધારા બાદ મોંઘવારી ભથ્થું (DA) અને મોંઘવારી રાહત વધીને 50 ટકા થઈ જશે.

ઔદ્યોગિક શ્રમ (CPI-IW) માટે કન્ઝ્યુમર પ્રાઇસ ઇન્ડેક્સની 12 મહિનાની સરેરાશ 392.83 હતી. એટલે કે, DA વધીને 50.2 ટકા થવાની ખાતરી છે. ડીએની ગણતરી તમારા મૂળ પગાર પર કરવામાં આવે છે. DA અને મોંઘવારી રાહત (DR)માં વધારાની મર્યાદા ઓલ ઈન્ડિયા CPI-IW ડેટાના આધારે કેન્દ્ર સરકાર દ્વારા નક્કી કરવામાં આવે છે. ડીએ સરકારી કર્મચારીઓને આપવામાં આવે છે, જ્યારે ડીઆર પેન્શનરોને આપવામાં આવે છે. DA અને DR વર્ષમાં બે વાર વધે છે - જાન્યુઆરી અને જુલાઈ.

ઓક્ટોબર 2023માં છેલ્લા વધારામાં, DA 4 ટકા વધારીને 46 ટકા કરવામાં આવ્યો હતો. વર્તમાન ફુગાવાના દરને ધ્યાનમાં લેતા, આગામી ડીએ વધારો 4 ટકા થવાની ધારણા છે. સત્તાવાર આંકડાઓ અનુસાર, કેન્દ્ર સરકારના 47.58 લાખ કર્મચારીઓ અને 69.76 લાખ પેન્શનરો છે. આ કર્મચારીઓ અને પેન્શનરોને ડીએ વધ્યા બાદ ફાયદો થશે.

કેન્દ્ર સરકારના કર્મચારીઓ માટે ફોર્મ્યુલા:-