Paytm Payments Bank Ban: Paytm યુઝર્સ માટે સૌથી મહત્વના સમાચાર, અહીં જાણો દરેક મોટા પ્રશ્નોના જવાબ

Paytm Payments Bank Ban: રિઝર્વ બેન્ક ઓફ ઈન્ડિયા (RBI) દ્વારા Paytm Payments Bank Limited (PPBL) સામે તાજેતરમાં લેવાયેલ પગલાને કારણે, કેટલાક નિયંત્રણો લાદવામાં આવ્યા છે. ઉદાહરણ તરીકે, PPBL ખાતામાં 29મી ફેબ્રુઆરી પછી પૈસા જમા કરાવી શકાતા નથી. જો કે, આરબીઆઈના નિર્દેશો પછી પણ ઘણા પ્રકારની ભ્રામક માહિતી શેર કરવામાં આવી રહી છે અને ઘણા યુઝર્સને લાગે છે કે Paytm એપ કામ કરવાનું બંધ કરશે. આવું બિલકુલ થવાનું નથી અને પેમેન્ટ એપ પહેલાની જેમ કામ કરતી રહેશે.

પેમેન્ટ એપએ પોતે કન્ફોર્મ કર્યું છે કે તેની સર્વિસનો લાભ 29 ફેબ્રુઆરી પછી પણ યુઝર્સને મળતો રહેશે અને Paytm એપ બંધ થવાનું નથી. જો તમારા મનમાં એવો ડર છે કે હાલનું Paytm બેલેન્સ જોખમમાં છે તો બિલકુલ ગભરાશો નહીં અને આ રકમ 29 ફેબ્રુઆરી પછી પણ વાપરી શકાય છે. અમે તમારા માટે આ બાબતને લગતા મહત્વના પ્રશ્નોના જવાબો સાથે લાવ્યા છીએ.

શું Paytm એપ બંધ થઈ જશે?

ના, Paytm એપ બંધ થવાની નથી અને તેની સર્વિસ પહેલાની જેમ જ મળતી રહેશે. તમે પહેલાની જેમ મોબાઈલ રિચાર્જ, બિલ પેમેન્ટ અને મૂવી ટિકિટ બુક કરવા જેવા તમામ કામ કરી શકશો.