Paytm Fastagને લઈને NHAIનો મોટો નિર્ણય, 2 કરોડ યુઝર્સને થશે અસર!

Paytm Fastag: Paytm ફાસ્ટેગને લઈને એક મોટા સમાચાર સામે આવ્યા છે, જેની અસર 2 કરોડ યૂઝર્સને થશે. નેશનલ હાઈવે ઓથોરિટી ઓફ ઈન્ડિયા (NHAI) દ્વારા ફાસ્ટેગ યુઝર્સ માટે એડવાઈઝરી જારી કરવામાં આવી છે. NHAI એ માત્ર 32 બેન્કોને ફાસ્ટેગ ખરીદવાની અપીલ કરી છે. આમાં Paytm પેમેન્ટ્સ બેન્કનું નામ સામેલ નથી. Paytm FASTag યુઝર્સએ હવે એક નવું FASTag ખરીદવું પડશે, કારણ કે Paytm પેમેન્ટ્સ બેન્ક હવે FASTag સુવિધા પ્રોવાઇડ નહીં કરી શકે.

IHMCLએ કહ્યું છે કે ફાસ્ટેગ માત્ર 32 બેન્કો પાસેથી ખરીદવાનું રહેશે. આમાં Paytm પેમેન્ટ્સ બેન્કનું નામ સામેલ કરવામાં આવ્યું નથી. FASTag ખરીદવા માટે Paytm પેમેન્ટ્સ બેન્કને લિસ્ટમાંથી હટાવી દેવામાં આવી છે. મીડિયા રિપોર્ટ્સ અનુસાર, જે લોકોએ Paytm ટેગ મેળવ્યા છે તેઓએ તેને સરેન્ડર કરવું પડશે અને રજિસ્ટર્ડ બેન્કમાંથી નવા ટેગ ખરીદવા પડશે.

29 ફેબ્રુઆરી સુધી ઉપયોગ કરી શકાશે

RBIએ Paytm Fastag અંગે કહ્યું હતું કે 29 ફેબ્રુઆરી પછી તેનો ઉપયોગ કરી શકાશે નહીં. એટલે કે જો તમારી પાસે Paytm ફાસ્ટેગ છે તો તમે 29 ફેબ્રુઆરી સુધી તેનો ઉપયોગ કરી શકો છો. આ પછી ટ્રાન્ઝેક્શન પર પ્રતિબંધ રહેશે. મીડિયા રિપોર્ટ્સ અનુસાર, Paytm Fastag યૂઝર્સ પછી તેમના ટેગને સરન્ડર કરી શકે છે અને અન્ય બેન્કમાંથી ટેગ ખરીદી શકે છે.